Донецкэ ыкIи Луганскэ Народнэ республикэхэр, Запорожскэ ыкIи Херсонскэ хэкухэр Урысыем къызыхэхьажьыгъэхэм и Мафэ ихэгъэунэфыкIын къыдыхэлъытагъэу волейболымкIэ зэнэкъокъу Мыекъуапэ щыкIуагъ. Ащ хъулъфыгъэ команди 6 хэлэжьагъ.
ТекIоныгъэр «Нартым» къыдихыгъ, ар финалым «АГУ-Мары» щыIукIагъ ыкIи 3:1-у къышIуихьыгъ. Ящэнэрэ чIыпIэр командэу «Каштан» зыфиIорэм фагъэшъошагъ.
Мыекъуапэ физическэ культурэмкIэ ыкIи спортымкIэ и Комитет Iофтхьабзэм кIэщакIо фэхъугъ.