ТичIыпIэгъу лъапIэхэр!
Адыгэ Республикэм щыпсэухэу лъытэныгъэ зыфэтшIыхэрэр!
Донецкэ Народнэ Республикэр, Луганскэ Народнэ Республикэр, Запорожскэ, Херсон хэкухэр Урысыем къызыхэхьажьыгъэхэ Мафэр непэ хэтэгъэунэфыкIы.
Урысыем ис лъэпкъхэм языкIыныгъэрэ язэкъотныгъэрэ зэрэпытэрэр, зы тарихъ гъогу ахэм къызэракIугъэр, якультури, лIэшIэгъу пчъагъэхэм къакIоцI хэбзэ-зэхэтыкIэу ахэлъ хъугъэхэри зэрэзэтехьэхэрэр къэзыушыхьатырэ мафэм тихэгъэгукIэ мэхьанэшхо иI.
Мы шъолъырхэм арысхэу зитарихъ, зикультурэ зыгъэлъапIэхэрэм, Урысыем ис лъэпкъхэм ягъусэхэу зищыIакIэ зыгъэпсы зышIоигъуагъэхэм къыхахыгъэ гъогум ыпкъ къикIыкIэ Урысыем итарихъ ичэзыукIэ мэхьанэшхо зиIэ политическэ хъугъэ-шIэгъэшхо къыхэхъухьагъ – 2022-рэ илъэсым Iоныгъом и 30-м шъолъыри 4 тихэгъэгу къыхэхьажьыгъ.
Адыгэ Республикэм Урысые Федерацием ишъолъырыкIэхэм зэдэлэжьэныгъэу адыриIэм непэ зырегъэушъомбгъу. ШъолъырыкIэхэм ащыпсэурэ тилъэпкъэгъухэм зэрэтфэлъэкIэу IэпыIэгъу тафэхъу, Херсон хэкумкIэ Геническэ районыр зыпкъ игъэуцожьыгъэнымкIэ, транспорт, инженер инфраструктурэм изытет нахьышIу шIыгъэнымкIэ, общественнэ чIыпIэхэм язэтегъэпсыхьанкIэ, социальнэ псэуалъэхэм ягъэпсынкIэ тишIуагъэ ятэгъэкIы, шIушIэ IэпыIэгъу ятэгъэгъоты, цIыфхэм IэпыIэгъу афэхъугъэнымкIэ ткIуачIэ къыхьырэр зэкIэ тэшIэ.
Тызэкъотмэ къиныгъо пстэури зэрэзэпытчышъущтым, ТекIоныгъэ къызэрэдэтхыщтым тицыхьэ телъ!
ТичIыпIэгъу лъапIэхэми, Урысыем ишъолъырыкIэхэм арысхэми псауныгъэ пытэ, щыIэкIэ-псэукIэ дэгъу яIэнэу, Хэгъэгум щытхъу къыфэзыхьыщт Iофэу рахьыжьэхэрэм гъэхъагъэхэр ащашIынэу тафэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет - Хасэм и Тхьаматэу Владимир Нарожнэр