Банкым чIыфэ къыIихи унэ къэзыщэфыгъэхэм ар ащэжьынэу фитыныгъэ къязытырэ хэбзэгъэуцугъэр мы мазэм кIуачIэ зиIэ хъугъэхэм ащыщ.

Ипотекэр епщыныжьыфэкIэ псэупIэу къыщэфы­гъэр шэсэу банкым ритыгъэу мэхъу. Джы законыкIэм къызэрэщыдэлъытагъэмкIэ, ипотекэр игъом ымытыжьышъугъэу чIыфэ зытелъми а псэупIэр ыщэжьын фит.
Унэр пщэжьыным ищыкIагъэр
*Ор-орэу пщэжьынэу зэрипхъухьагъэм пае банкым лъэIу тхылъ фэбгъэхьыщт. Ар «заказной письмэу» птIупщын, о пшъхьэкIэ яптын е нэмыкI шIыкIэу зэзэгъыныгъэм итхагъэм тетэу аIэкIэбгъэхьан плъэкIыщт.
*Письмэм банкым джэуапэу къыритыжьырэм уежэн фае. ЧIыфэр къэзытыгъэ организацием псэупIэр пщэжьынэу фитыныгъэ къыуитымэ, осэ анахь макIэу иIэщтыр, ахъщэр зэры­бгъэхьан фэе счетыр къыуитыщтых.
*Мэзи 4-м шIомыкIэу псэупIэр IубгъэкIынышъ, нэмыкI бысым иIэ зэрэхъугъэр ябгъэтхын ыкIи чIыфэр банкым фэбгъэкIожьын фае. Зэзэгъыныгъэ банкым дэпшIымэ, мэзиплI пIалъэр къыпфылъигъэкIотэн фит.
*Унэм къыкIэкIогъэ ахъщэм ежь иIахьэу хэлъыр ыштэжьынышъ, къэнагъэр къыуитыжьыщт.
ШэпхъакIэхэр зыщымыгъэфедэшъущтхэр
*ЧIыфэхэм апкъ къикIэу унэр зием къыIахынэу тхылъхэр хьыкумым ратыгъэхэмэ.
*ЧIыфэр зытелъыр истыхьагъэу лъытэгъэным фэшI Iоф къызэIуахыгъэмэ.
*Унэр банкым нэмыкI горэм шэсэу ыIыгъмэ.
*Ипотекэр зыгъэпсыгъэм ежь-ежьырэу ыщэжьынэу лъэIу тхылъыр къытыгъахэу, ау ар къызэкIигъэкIожьынэу игъо имыфа- гъэмэ.
*Шэсы хъугъэ унэр ыпэкIэ е ыужкIэ ипотекэ агъэпси къащэфыгъэмэ.