Урысыем и Следственнэ комитет Адыгэ Респуб­ликэмкIэ иследственнэ гъэIорышIапIэ Мыекъопэ районымкIэ иследственнэ отдел иIофышIэхэм къаугъоигъэ материалхэр IэубытыпIэ къызыфашIыхэзэ, Туркменистан къыщыхъугъэ хъулъфыгъэр Урысые Федерацием и Уголовнэ кодекс ия 291.2-рэ статья иа 1-рэ Iахь зигугъу къышIырэ бзэджэшIагъэ зэрихьагъэкIэ агъэмысагъ.
Следствиемрэ хьыкумымрэ нафэ къызэрафэхъу­гъэмкIэ, хабзэр ыукъозэ Урысые Федерацием зэрэщыIэм фэшI административнэ пшъэдэкIыжь рагъэхьыным тещыныхьэщтыгъэ хъулъфыгъэм Адыгэ Республикэм хэгъэгу кIоцI IофхэмкIэ и Министерствэ иIофышIэ къуалъхьэ ритынэу тыри­убытагъ.
IэкIыб къэралыгъом ицIыф хабзэм димыштэрэ изекIуакIэхэм ягъогупэ пыбзыкIыгъэным фэшI къуалъхьэр ащ ариты зэхъум Урысыем хэгъэгу кIоцI IофхэмкIэ и Министерствэ Мыекъопэ рай­онымкIэ иотдел экономикэ щынэгъончъагъэмкIэ ыкIи къолъхьэ тын-Iыхыным пэуцужьыгъэнымкIэ иподразделение иIофышIэхэр къылъыплъагъэх.
Къуалъхьэр зэраритэу хъулъфыгъэр аубытыгъ, хьыкумым иунашъокIэ сомэ 50000 хъурэ тазыр ащ тыралъхьагъ.
Хьыкумым унашъоу ыштагъэм хэбзэ кIуачIэ иIэ хъугъэ.
Урысыем и Следственнэ комитет Адыгэ РеспубликэмкIэ иследственнэ ГъэIорышIапI