Мыекъуапэ хэлэжьагъ
Проектэу «Больше, чем поход» зыфиIорэм республикэм икъэлэ шъхьаIэ хэлэжьагъ. Организациеу «Движение Первых» кIэщакIо зыфэхъугъэ Iофтхьабзэм зекIоныр зыгу рихьырэ ныбжьыкIэхэр зэрипхыгъэх.
Мыщ къыдыхэлъытагъэу Мыекъуапэ иеджэпIэ 15-мэ ялIыкIохэм «Мэздахэ» идэкIояпIэ къыщырагъажьи, гъэхъунэу «Лысая» зыфиIорэм нэс лъэсэу кIуагъэх. Нэужым ахэм яфизическэ ухьазырыныгъэ аушэтыгъ, зэнэкъокъу зэфэшъхьафхэм ахэлэжьагъэх.
Зэнэкъокъуищым язэфэхьысыжьхэм къызэрагъэлъэгъуагъэмкIэ, гурыт еджапIэу N 7-р чемпион. ЯтIонэрэ чIыпIэр фагъэшъошагъ Мыекъуапэ иеджапIэу N 11-м, ящэнэрэ хъугъэ еджапIэу N 17-р.
ХагъэунэфыкIырэ чIыпIэхэр къыдэзыхыгъэхэм кубокхэр, медальхэр ыкIи сертификатхэр аратыгъэх. Хэлэжьагъэхэм зэкIэм сертификатхэр ыкIи шIухьафтынхэр афагъэшъошагъэх.