Кощхьэблэ районым икомандэу «Zihi» зыфиIорэм футболымкIэ Урысыем ичемпионат ифинал едзыгъоу къалэу Шъачэ щыкIощтым хэлэжьэщт. Зэнэкъокъум къызэрэдилъытэу, командэ пэпчъ ешIэкIуи 8 хэхьэ.

Шъолъыр мэхьанэ зиIэ турнирым къыдыхэлъытагъэу мы мафэхэм кощхьаблэхэр Мыекъопэ районым икомандэу «Троя» зыфиIорэм дешIагъэх ыкIи 2:1-у текIоныгъэр къыдахыгъ. Ащ ишIуа­гъэкIэ чемпион хъугъэх.
Ятфэнэрэ турым ящэнэрэ чIыпIэр къыдэзыхыгъэр къыщынэ­фэщт. Сыд фэдэу хъугъэми, МФОК-у «Ошъутенэр» ятIонэрэ. Адрэ командэхэр джэрз медальхэм афэбэнэнхэ алъэкIыщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Zihi» — 10.
2. МФОК-у «Ошъутен» — 6.
3. «Троя» — 3.
4. «Братство» — 3.
5. «Спортмастер» — 1.