КъэкIыхэрэм къапыкIырэ пыдзафэхэр хэкIыр Iузыщырэ автомашинэ пстэуми Iуащырэп. Сыда къызхэкIырэр?

ЦIыфхэм пыдзафэу къырахырэр зыдащэрэ хэкIитэкъупIэр арэп къэкIыхэрэм къапыкIыгъэр зыщагъэкIодырэр. Ахэр автомашинэ гъэнэфагъэкIэ Iуащых, чIыпIэу зэращалIэрэри нэмыкI.
«ЭкоЦентрэм» къэкIыхэрэм хэкIэу къапыкIыгъэр къалэхэмрэ поселкэу къэлэ гъэпсыкIэ зиIэхэмрэ зэращыIуищыщт графикыр хэушъхьафыкIыгъэу ыгъэпсыгъэу, ащ диштэу транспортыр макIо. Фэтэрыбэу зэхэт унэхэм ачIэсхэм ащ фэдэ фэIо-фашIэ ящыкIагъэмэ, гъэ­IорышIэкIо компанием лъэIу тхылъыр къытын фае.
КъэкIыхэрэм пыдзафэу къапыкIыгъэр жьыбгъэм зэбгыримыхыным, чIыпIэр зэлъимыкIуным афэшI къизыхырэм тэрэзэу къыгъэхьазырын фае. ГущыIэм пае, чъыг къутамэхэр зэхэпхагъэхэмэ, уцыр е пкIашъэхэр дзыохэм арылъхэмэ нахьышIу. Ащ хэкIыр Iузыщыхэрэм яIоф­шIэн къызэригъэпсынкIэрэм имыза­къоу, чIыпIэр къабзэу щытынымкIэ ишIуагъэ къэкIо.
УпчIэ шъуиIэмэ е IэпыIэгъу шъуищыкIагъэмэ, мы телефонымкIэ шъукъытеон шъулъэкIыщт: 8-800-700-05-08.
«ЭкоЦентрэм» и Адыгэ шъолъыр къутамэ ипресс-къулыкъу.