Непэ, Iоныгъом и 20-р, адыгэхэм я Маф. 2014-рэ илъэсым къыщыублагъэу Къэбэртэе-Бэлъкъар Республикэм и ЛIышъхьэ иунашъокIэ ар къэралыгъо мэфэкIэу ткъош республикэм щыхагъэунэфыкIы. Тыди щыпсэурэ адыгэхэм зыкIыныгъэ ахэлъыным, зэпхыныгъэхэр зэдашIынхэм, зэлъыIэсынхэм ар афэIорышIэ.

МэфэкIыр загъэнэфагъэр мыгъэ илъэсипшI хъугъэ. Адыгэ, Къэбэртэе-Бэлъкъар, Къэрэщэе-Черкес республикищым тилъэпкъ гъэзетхэм язичэзыу зэхэт номер ащ фэтэгъэшъуашэ. АдыгэхэмкIэ непэ тызэзыпхырэ Iофтхьабзэхэм, тызэрыгушхорэ цIыфхэм, тинахьыжъхэм ыкIи къыткIэхъухьэрэ ныбжьыкIэхэм ар афэгъэхьыгъ.