Дунэе Адыгэ Хасэм изэфэхьысыжь-хэдзын зэфэс непэ Къэбэртэе-Бэлъкъар Республикэм икъэлэ шъхьаIэу Налщык щэкIо. ДАХ-м аужырэ илъэсищым Iофэу ышIагъэм фэгъэхьыгъэ зэфэхьысыжьыр къэзы­шIыщтыр ащ итхьаматэу Сэхъырэкъо Хьаути.

ДАХ-м итхьаматэ, ащ игуа­дзэхэр, и Хэсашъхьэ ыкIи игъэцэкIэкIо комитет хэтхэр зэфэсым щыхадзыщтых.
Адыгэ Республикэм икIыгъэ купым хэтых респуб­ликэ Адыгэ Хасэм ипащэу ЛIымыщэкъо Рэмэзан, АР-м лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъу­гъэм иамалхэмкIэ и Комитет итхьаматэу Шъхьэлэхъо Аскэр.
Адыгэхэм я Мафэ ехъулIэу Iоныгъом и 20-м зэхащэщт мэфэкI Iофтхьабзэхэм зэфэсым къекIолIагъэхэр ахэлэжьэщтых.