ХэушъхьафыкIыгъэ дзэ операцием хэлажьэхэрэм яунагъохэм ащыщ нэбгырэ 60 фэдиз культурнэ Iофтхьабзэхэм фондэу «Хэгъэгум иухъумакIохэр» зыфиIорэм ишъолъыр къутамэ ригъэблэгъагъэх.

АР-м и Къэралыгъо филармоние иконцертнэ зэхахьэ изалышхо Камернэ музыкальнэ театрэм иопереттэу «Прекрасная Елена» зыфиIорэр нахьыжъхэм къащыфагъэлъэгъуагъ. Ар гъэшIэгъонэу зэрагъэуцугъэм, актерхэм IэпэIэсэныгъэ ин ахэлъэу зыкъызэрагъэлъэгъуагъэм еплъыгъэхэм осэшIу афашIыгъ.
КIэлэцIыкIухэм апае концерт-пшысэу «Волшебная палочка дирижера» зыфиIорэр нысхъэпэ театрэмрэ оркестрэу «Русская удальрэ» зэгъусэхэу къагъэ­хьазырыгъ. НыбжьыкIэ цIыкIухэу музыкэр зикIасэхэр оркестрэм иджэгунхэм ахагъэлэжьагъэх, дирижер сэнэхьатыр агъэцэкIагъ, ащ дакIоу, классическэ произведениехэу жъы мыхъухэрэм нэIуа­сэ афашIыгъэх.

ХэушъхьафыкIыгъэ дзэ операцием хэлажьэхэрэм яунагъохэм арысхэр мыщ фэдэ культурнэ Iофтхьабзэхэм фондэу «Хэгъэгум иухъумакIохэм» регъэбла­гъэх.
Iэшъынэ Сусан.
Сурэтхэр: фондэу «Хэгъэгум иухъума­кIохэр».