ФутболымкIэ Адыгэ Республикэм ичемпионат аухыгъ. Зэнэкъокъум чемпионыкIэ иI, ар Красногвардейскэ районым икомандэу «Кавказ-Адэмый». Красногвардейцэхэр дахэу ешIагъэх, зэIукIэгъуи 10-у яIагъэм текIоныгъэхэр къащыдахыгъ. Къэлапчъэм Iэгоо 54-рэ дадзагъ, къафыдадзагъэр 9 ныIэп. ЗэрэхъурэмкIэ, ешIэгъу пэпчъ гурытымкIэ Iэгоуи 5 дадзагъ.

ЯтIонэрэ чIыпIэр къыдихыгъ Адыгэ къэралыгъо университетым икомандэ, ар чемпионым очкоуи 9-кIэ ыуж къинагъ. Ящэнэрэ хъу­гъэ Теуцожь районым икомандэу «Чэчэнаир». «Кощхьаблэм» я 4-рэ чIыпIэр къыдихыгъ. БлэкIыгъэ зэнэкъокъум текIоныгъэр къыщыдэзыхыгъэ «Урожаир» ятфэнэрэ, мы аужырэ илъэс 20-мкIэ ар командэм икъэгъэлъэ­гъон анахь дэй. Аужырэ чIыпIэм щыт «Мыекъуапэ». Мыщ хэт кIалэхэр ныбжьыкIэх, илъэс 15 — 16 ныIэп аныбжьыр, арышъ, ари къыдэплъытэн фае. ХагъэунэфыкIырэ чIыпIэхэр къыдэзыхыгъэхэм зыщафэгушIощтхэ, къалэжьыгъэ тынхэрэ зыщаратыжьыщтхэ Iоф­тхьабзэ зэхащэщт.
Командэхэр зыдэщыт чIыпIэхэр ыкIи очко пчъагъэу ра­гъэкъугъэр:

1. «Кавказ-Адэмый» — 30.
2. «АГУ» — 21.
3. «Чэчэнай» — 17.
4. «Кощхьабл» — 12.
5. «Урожай» — 7.
6. «Мыекъуапэ» — 0.