Хабзэ зэрэхъугъэу, илъэсыкIэ еджэгъум иублэгъу республикэм иеджапIэхэм апэрэ классхэм арыхьагъэхэр лъэсрыкIо цIыкIу зэрэхъугъэхэмкIэ мэфэкI Iофтхьабзэхэр ащызэхащэх.

Мыекъопэ лицееу N 8-м тыгъуасэ мэфэкI Iофтхьабзэу щыкIуагъэм Адыгэ Республикэм хэгъэгу кIоцI IофхэмкIэ и Министерствэ гъогурыкIоныр щынэгъончъэнымкIэ и Къэралыгъо автоинспекцие игъэIорышIапIэ ипащэ игуадзэу, полицием иполковникэу Едыдж Мурат хэлэ­жьагъ.
Къэралыгъо автоинспекцием игъэIорышIапIэ ипащэ игуадзэ апэрэ классхэм арыхьэгъэ кIэлэеджакIохэм къафэгу­шIуагъ, гъогурыкIоным ишапхъэхэм дэх имыIэу арыгъозэнхэу, нэм къыкIидзэрэ ныбалъэхэр зыщалъэнэу, еджапIэм къе­олIэрэ гъогу анахь щынэгъончъэр янэ-ятэхэм ягъусэу къыхахынэу къяджагъ.

ЛъэсрыкIо хъугъэ кIэлэеджакIохэм гъогурыкIонымкIэ шапхъэхэр зэрашIэрэр къагъэлъэгъуагъ, викторинэм иупчIэхэм джэуапхэр къаратыжьыгъ. ­КIэлэцIыкIухэм къафагъэуцугъэ пшъэрылъхэр дэ­гъоу агъэцэкIагъэх.
Iофтхьабзэм икIэух апэрэ классхэм арыхьагъэхэм лъэсрыкIо цIыкIу зэрэхъу­гъэхэр къэзыушыхьатырэ тхылъхэр къа­ратыжьыгъэх. ЗэрэсакъыщтхэмкIэ, гъогурыкIоным ишапхъэхэр къызэрэдалъы­тэщтхэмкIэ ахэм гущыIэ къатыгъ.
Адыгэ Республикэм и МВДи Къэралыгъо автоинспекцие игъэIорышIапI