«ТНС энерго Кубань» зыфиIорэ хъызмэтшIапIэм Адыгэ Республикэм ыкIи Краснодар краим ащыпсэухэрэмрэ электроэнергиер къэзытырэ организациехэмрэ зэрепхых. Арышъ, электричествэм ылъэныкъокIэ гумэкIыгъо шъуиIэмэ зызфэжъу­гъэзэщтыр къызэхэтэфы.

1. Аварие хъугъэу, гущыIэм пае, электричествэм икIуапIэхэр зэпычыгъэхэу е пкъэоу зыпышIагъэхэ кIэлъэныкъуащэ хъугъэу, светыр къэ­кIосагъэмэ, узэпхыгъэ компанием, «Россети Кубань» е «Электросети Кубань», «илиние плъыр» шъутеон фае. Ащ ителефонхэр «ТНС энерго Кубань» иинтернет нэкIубгъо итых.
2. Электричествэм ыпкIэ игъом зэрэмытыгъэм къыхэкIыкIэ светыр «паупкIыгъэмэ», чIыфэу птелъыр птыжьынышъ, мы телефонымкIэ утеощт: 8(861)298-01-70.
3. Светыр «къэнэкIао» е напряжениер зы чIыпIэ итэп. Ащ пае унэр зэпхыгъэ организацием иномер шъутеощт. Фэтэрыбэу зэхэт унэхэм ачIэсхэм гъэIорышIэкIо компанием зыфагъэзэн алъэкIыщт. Напряжениер зыпкъ игъэуцожьыгъэным фэшI тиинтернет нэкIубгъо лъэIу тхылъыр къыщышъутын шъулъэкIыщт.
4. Унэе псэупIэ зиIэу зисчетчик къутагъэр «Россети Кубань» е «Электросети Кубань» зыфигъэзэн фае. Фэтэрыбэу зэхэт унэхэм ачIэсхэм «ТНС энерго Кубань» зыфагъа­зэмэ, IэпыIэгъу агъотыщт.
5. Электричествэм икIуапIэхэм унэр апызышIэ е кIуачIэу къекIуалIэрэм хэзыгъахъо зышIоигъоми «Россети Кубань» е «Электросети Кубань» зыфигъэзэн фае.
6. Зэзэгъыныгъэ адишIы е квитанцием итыр къязыгъэ­лъытэжьы зышIоигъохэм компанием иинтернет нэкIубгъо, «унэе кабинетыр» е мобильнэ приложениер агъэфедэн алъэ­кIыщт.

Тикомпание фэIо-фашIэу ыгъэцакIэрэм инахьыбэр уиунэ уимыкIэу къызIэкIэбгъэхьан плъэкIыщт. ЦIыфхэм яуахътэ уасэ зэрэфэтшIырэр ащ къеушыхьаты.
Тамара Шамаринар.
Пресс-къулыкъур.
Сурэтыр: «ТНС энергоКубань»