Социальнэ проектэу «Унагъор ары лъапсэр къызыщежьэрэр» зыфиIорэм къыдыхэлъытагъэу общественнэ организациеу «ЗекIо Адыгеим» видеороликхэм яонлайн-зэнэкъокъоу «Тэ тыунагъу» зыфиIорэр Адыгэ Республикэм щызэхещэ. Мыщ щатекIохэрэр унагъом игъэпытэн тегъэпсыхьэгъэ Iофтхьабзэу псэупIэу Каменномостскэм щыкIощтым хэлэжьэщтых.

Зэнэкъокъум хэлажьэ зышIоигъохэм такъикъи 2-м ехъу кIорэ видеоролик тырахын, ВатсапымкIэ е ТелеграмымкIэ видеоролик хьазырыр Iоныгъом и 20-м нэс Елена Ромченкэм (телефонэу +79284694548-мкIэ) IэкIагъэхьан фае.
Видеороликхэр социальнэ хъытыоу ВКонтакте къырагъэхьащтых. Унэгъо кIоцI хабзэхэм ягъэпытэн тегъэпсыхьэгъэ Iофтхьабзэр мэфитIо Каменномостскэм щыкIощт. Зыщыпсэущтхэ чIыпIэм икъэгъотыни, ягъэшхэни зэхэщакIохэм апшъэ ралъхьажьы. Проектым игъэцэкIэн пае общественнэ организациеу «ЗекIо Адыгеир» зыфиIорэм АР-м игрантэу граждан обществэм игъэпытэн фытегъэпсыхьагъэр къызфегъэ­федэ.