Top.Mail.Ru

Тикомандэ итекIоныгъ

Image description

ФутболымкIэ Урысыем изэнэкъокъу иятIонэрэ лигэ хэт «Зэкъошныгъэм» зичэзыу ешIэгъоу Мыекъуапэ щыриIагъэм текIоныгъэ къыщыдихыгъ. Адыгеим ихьэкIагъ ткъош республикэу Къэбэртэе-Бэлъкъарым икомандэу «Спартак-Налщык».

«Зэкъошныгъ» — «Спартак- Налщык» — 1:0 (1:0).
«Зэкъошныгъэм» щешIагъэ­хэр: Т. Хачировыр, Д. Савиных, М. Ягьяевыр, И. Абдуллаевыр, И. Оразаевыр (Ш.Гайдаровыр), К. Юшко, З. Коблыр (С. Новиковыр), М. Коломийцевыр, Д. Анто­ненкэр, (А. Зезэрахьэр), Н. Сер­геевыр (У. Магомедбековыр), Г. Абдуллаевыр (А. Делэкъор).
Тренер шъхьаIэр: С. Мирошниченкэр.
«Спартак-Налщык» хэтыгъэх: Х. Каркаевыр, Х. КIэдыкIоир, А. Къэрданыр, Д. Далиевыр, А. Лелюкаевыр, А. Гогузэкъор (А. Макоевыр), А. Селяевыр (А. Малкандуевыр), А. ХьацIыкIур, А. Хачировыр, А. Черкесовыр (А. Хьасанэкъор), И. ЛIуп (М. Ашуевыр).
Тренер шъхьаIэр: Т. БытIэ­къор.
Къэлапчъэм Iэгуаор дэзыдзагъэр Г. Абдуллаевыр (я 27-рэ такъикъым).
ЗэIукIэгъум нэбгырэ 400 фэдиз еплъыгъ. Апэрэ таймым Мые­къуапэ икомандэ узIэпищэу ешIагъ, футболистхэм Iэгуаор псынкIэу къырагъэкIокIыщтыгъ, ыпэкIэ илъыщтыгъэх. Ащ къыкIэ­лъыкIоу я 27-рэ такъикъым Га­джимурад Абдуллаевым къэлап­чъэм Iэгуаор дидзагъ ыкIи 1:0-у «Зэкъошныгъэм» текIоныгъэр къыдихыгъ.
— Зэфэмыдэ таймитIу тешIагъ. НахьыбэрэмкIэ ятIонэрэм нахь дэгъоу зыкъыщытэгъэлъагъо, ау мызэгъэгум ащ къин щытлъэ­гъугъ. Арэу щытми зы Iэгуаор тфикъугъ, очкоуи 3 къэдлэжьыгъ, — къы­Iуагъ «Зэкъошныгъэм» итренер шъхьаIэу Сергей Мирошничен­кэм.
Я 25-рэ турым изэфэхьысыжьхэр:
«Строитель» — «Динамо Ставрополь» — 0:2, «Форте» — «Кубань Холдинг» — 2:1, «Динамо-2» — «Астрахань» — 1:1, «Ангушт» — «Биолог-Новокубанск» — 0:0, «Зэкъошныгъ» — «Спартак-Налщык» — 1:0 «Нарт» — «Легион» — 1:2, «Рубин Ялта» — «Победа» — 2:0, «Алания-2» — «Севастополь» — 1:3.
Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

  1. «Форте» — 49.
  2. «Динамо Ставрополь» — 47.
  3. «Легион» — 45.
  4. «Рубин Ялта» — 43.
  5. «Ростов-2» — 42.
  6. «Севастополь» — 42.
  7. «Астрахань» — 40.
  8. «Нарт» — 32.
  9. «Строитель» — 31.
  10. «Ангушт» — 30.
  11. «Зэкъошныгъ» — 30.
  12. «Спартак-Налщык» — 26.
  13. «Кубань Холдинг» — 23.
  14. «Биолог-Новокубанск» — 23.
  15. «Победа» — 22.
  16. «Динамо-2» — 13.
  17. «Алания-2» — 13.
    КъыкIэлъыкIощт зэIукIэгъур «Зэкъошныгъэм» Махачкала щыриIэщт, Iоныгъом и 22-м чIыпIэ командэу «Легионым» де­шIэщт.