ГандболымкIэ Урысыем и Суперлигэ щешIэрэ «АГУ-Адыифым» иныбжьыкIэ командэу къэралыгъом ипервенствэ хэлажьэрэм «Ростов-Дон-3» зыфиIорэм ешIэгъуитIу Мыекъуапэ щыдыриIагъ. ХьакIэхэр нахь лъэшыгъэх, текIоныгъэр къыдахыгъ.

Апэрэ зэIукIэгъум тикъэлэпчъэ­Iутэу Тамила Харченкэм дэгъоу зыкъыщигъэлъэгъуагъ нахь мы­шIэми, ешIэгъур 21:33-у аухыгъ. Мыекъопэ спорт еджапIэм щагъэ­сэгъэ Дарья Хорунжаяр хьакIэхэм ахэтыгъ, ащ гъогогъуи 9 къэлап­чъэм Iэгуаор дидзагъ. ЯтIонэрэ ешIэгъум тикъэлэпчъэIутэу Ольга Черницовам Iэгуаор гъогогъу 18-рэ къызэкIидзэжьыгъ, ау Рос­тов-на-Дону илIыкIохэр мыщи нахь щылъэшыгъэх, пчъагъэр 27:33-у зэIукIэгъур аухыгъ.
Тикомандэ «Луч-3-м» ыкIи «ЦСКА-2-м» зэIукIэгъухэр адыриIэщт, ахэр Москва щыкIощтых.