Илъэсыбэ хъугъэу мэзлэжьхэм я Мафэ бжыхьэ мэфэ дахэхэм, фабэхэм атефэу хэтэгъэунэфыкIы.
Зэрэтихабзэу, мэфэкIым ехъулIэу Адыгэ Республикэм мэзхэмкIэ и ГъэIорышIапIэ итхьаматэу Былым­ы­хьэ Рэщыдэ, ветеранхэм ыкIи мэз­лэжь куп зэхэтхэм япащэхэм къаб­гъо­дэкIэу «тхьашъуегъэпсэу» шъо­тIонэу тыфый чэщи мафи ямыIэу мэзым фэлэжьагъэхэм, непи фэлажьэхэрэм.
Шъугухэр къабзэхэу, шъуикъарыу шъушъхьамысэу тимэзхэр къэшъу­ухъумагъэх, непи къэшъоухъумэх, арышъ, а Iофэу шъушIэрэм Адыгэ Республикэр нахь бай ышIынэу, тиIофшIакIэрэ типсэукIэрэкIэ зэкIэми татемыкIомэ, зи къыттемыкIоу Тхьэм тегъэпсэух.
Мэзым иIофышIэхэм гъэхъэгъэ дэгъухэр яIэхэу ямэфэкI къекIолIагъэх, гъэрекIо Къыблэ федеральнэ шъолъырымкIэ анахь чIыпIэ лъагэр ти ГъэIорышIапIэ къыфагъэшъошагъ, ау апэкIэ Iофыгъоу илъхэри зыщагъэгъупшэрэп.
Урысыем щырекIокIырэ Iофтхьабзэу «Мэзыр къэтэжъугъэухъум!» зыфиIорэм ГъэIорышIапIэм тиветеранхэри, мэзлэжьхэм яобществи хэлажьэх.
ШъхьэкIафэ зыфэтшIыхэу мэзым иветеранхэмрэ иIофышIэхэмрэ! Непэ тышъуфэлъаIо шъуузынчъэнэу, насып шъуиIэнэу, шъуиунагъохэм дэрмэныр арылъэу, тидунай мамырэу, тицIыфышъхьэ хахъоу тыпсэунэу.
Мэз IофшIэным иветеранхэм я Совет итхьаматэу
Бэлокъо Аслъан.