ФутболымкIэ Адыгеим ичемпионат къыдыхэлъытэгъэ ешIэгъухэр мы мафэхэм щыIагъэх. Зэнэкъокъум къызэрэдилъытэу, командэ пэпчъ футболисти 8 хэхьэ.

ЯтIонэрэ турым иешIэгъу шъхьаIэ щызэIукIагъэх МФОК-у «Ошъу­тен» ыкIи «Троя» зыфиIорэ командэхэр. АпэрэхэмкIэ мыр пэублэ ешIэгъугъ, ятIонэрэхэм зы зэIукIэгъу яIагъ ыкIи текIоныгъэр къызыдахыкIэ, Урысыем ичемпионат хэлэжьэнхэмкIэ амылышIухэр аIэкIэлъ хъущтыгъ. Ау Давид Жирновым къэлапчъэм Iэгуаор ди­дзагъ ыкIи 1:0-у «Ошъутенэм» текIоныгъэр къыдихыгъ.
Джащ фэдэу мы мафэм зэIукIагъэх «Спортмастерымрэ» «Zihi» зыфиIорэмрэ. Пчъагъэр 2:2-у ешIэгъур аухыгъ.
Зэнэкъокъум команди 5 хэлажьэ. Ящэнэрэ турыр Iоныгъом и 17-м щыIэщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Zihi» — 4.
2. МФОК-у «Ошъутен» — 3.
3. «Троя» — 3.
4. «Спортмастер» — 1.
5. «Братство» — 0.