Адыгеим щагъэхьазырыгъэ шIушIэ IэпыIэгъур тыгъуасэ Курскэ хэкум атIупщыгъ.

Тонн 20-м хэхьагъэх зэшъохэрэ псыр, хьаджыгъэр, дагъэр, псыIэшIухэр, щыIэкIэ-псэукIэм щагъэфедэрэ химиер, къэбзэныгъэмкIэ агъэфедэхэрэ псэуалъэхэр, бэрэ щы­лъынхэм фытегъэпсыхьэгъэ шхыныгъохэр.
«Курскэ хэкум тыри­гъус! — къащитхыгъ исоциальнэ нэкIубгъохэм Адыгеим и ЛIышъхьэу КъумпIыл Мурат. — Неонацистхэм лые зэрахыгъэ цIыфхэм IэпыIэгъу ягъэгъотыгъэным пае ­тфэлъэкIырэр тшIэным тыпылъ. Адыгеир, къэ­ралыгъом инэмыкI шъо­лъырхэм афэдэу, къиным хэ­фагъэхэм зэрафэлъэкIэу адэIэпыIэ.
Лъэпкъ программэм ипхырыщынкIэ общест­веннэ ыкIи къэралыгъо къулыкъу пстэуми яIоф­шIэн зэдегъэштэгъэнымкIэ «Единэ Россием» мэхьанэшхо иIэу сэлъытэ. ТиIофшIэн джащ фэдэу иIахьышхо хэлъ волонтер купхэм адэлэжьэгъэнымкIэ Координационнэ гупчэми. Волонтерхэм, сатыушI зэхэтхэм, УНФ-м, хъыз­мэтшIапIэхэм, Адыгеим щыпсэухэу шIу зышIэ зы­шIоигъохэм яшIуагъэкIэ Курскэ хэкум щыпсэухэ­рэм ящыкIагъэхэр тыу­гъоинхэ тлъэкIыгъ.
ЩыIэныгъэм чIыпIэ къин ригъэуцуагъэхэм IэпыIэгъу тапэкIи ядгъэ­кIыщт. Сицыхьэ телъ тыгу зэрэзэфэузырэм ыкIи ты­зэрэзэдеIэжьырэм Урысыем щыпсэухэрэм языкIыныгъэ зэригъэпытэщтым!»