ФутболымкIэ Адыгеим ипервенствэ аухынкIэ бэп къэнагъэр. Мыщ ныбжьыкIэхэр ары хэ­лажьэхэрэр.

БлэкIыгъэ турым мэхьанэшхо зиIэ текIоныгъэр къыщыдихыгъ тренер-кIэлэегъаджэхэу Максим Васильченкэмрэ ХьакIэцIыкIу Руслъанрэ агъэсэрэ командэу «Мыекъуапэ». Республикэм икъэ­лэ шъхьаIэ ифутболистхэр Красногвардейскэ районым икомандэу «Кавказым» дешIагъэх ыкIи 3:1-у текIоныгъэр къыдахыгъ.
Олег Уроденкэм, Амир Бадиевым ыкIи Владислав Алентьевым зэ­рызэ къэлапчъэм Iэгуаор да-­
дзагъ. Красногвардейцэхэм къа­хэщыгъэр Марек Меликсинян.
Тэхъутэмыкъое районым икоман­дэрэ «Кощхьаблэмрэ» зэIукIэнхэу щытыгъ, ау ешIэгъур зэкIахьагъ. «Адыгэкъалэ» «Урожаим» нахь лъэшыгъ, пчъагъэр 3:0-у текIоныгъэр къыдихыгъ. Пэнэжьыкъуае щешIагъэх «Чэ­чэнаимрэ» «Джаджэмрэ», пчъа­гъэр 1:1-у зэIукIэгъур аухыгъ. Джы командэхэм ешIэгъу шъхьа­Iэхэр къафэнагъэх.
Апэрэ чIыпIэр «Мыекъуапэ» ыIыгъ, ар «Кощхьаблэм» очкоуи 5-кIэ ыпэ ит, ау къоджэдэсхэм ешIэгъоу яIагъэр зыкIэ нахь макI. Мы командэхэр зэIукIэнхэу щыт, чемпион хъущтыр ащ къыщынэ­фэнкIэ енэгуягъо. Адрэ хагъэунэфыкIырэ чIыпIэхэм командищ афэбанэ, ау ахэм ешIэгъоу яIагъэр зэфэдизэп.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Мыекъуапэ» — 30.
2. «Кощхьабл» — 25.
3. «Кавказ» — 25.
4. «Тэхъутэмыкъое район» — 24.
5. «Урожай» — 10.
6. «Чэчэнай» — 8.
7. «Адыгэкъал» — 5.
8. «Джаджэ» — 3.
   Я 13-рэ турым щызэIукIэщтых:
   «Чэчэнай» — «Тэхъутэмы­къое район», «Адыгэкъал» — «Кощхьабл» (Iоныгъом и 14-м), «Кощхьабл» — «Урожай», «Чэчэнай» — «Кавказ» (Iоныгъом и 15-м).