Физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфи­Iорэм итхьамафэ Мыекъуапэ щэкIо.

Адыгеим икъэлэ шъхьаIэ щы­псэурэ нэбгырэ 80 мыщ хэлажьэ. НахьыбэмкIэ ахэр кIэлэцIыкIух. Дышъэ, тыжьын ыкIи джэрз бгъэ­халъхьэхэр къэблэжьынхэм фэшI лъэныкъуи 5 — 6-мкIэ шапхъэхэр птынхэ фае. Iофтхьабзэм хэлажьэхэрэм нахьыбэрэмкIэ къыхахырэр къэчъэныр, зы чIыпIэ уитэу упкIэныр ары.

Зызыушэтыхэрэм ащыщэу апэу дышъэ бгъэхалъхьэр къызэратыгъэр илъэс 57-рэ зыныбжь Александр Ермиловыр ары. Ащ зы мафэкIэ шапхъэхэр зэкIэ ыты­гъэх.
Непэрэ мафэм ехъулIэу нэбгырэ 50-м ехъумэ шапхъэхэр атыгъах, Iофтхьабзэр аухынкIэ джыри мэфитIу къэнагъ.