ШашкэхэмкIэ дунаим ичемпионат мы мафэ­хэм Московскэ хэкум щэкIо. Къэралыгъо 25-рэ къэзыгъэлъэгъорэ спортсмен 80-м ехъу зэнэкъокъу.

КIэлэцIыкIухэм ыкIи нахьыжъхэм творческэ хэхъоныгъэхэр ашIынхэмкIэ Мыекъопэ гупчэм мы спорт лъэпкъымкIэ мастерэу Владимир Никитиным шашкэ дешIэнхэу ыкIи унэгъо командэхэм язэнэкъокъу зэхищэнэу рихъухьагъ. ЗэкIэмкIи команди 4-мэ зыкъагъэлъэгъуагъ. ТекIоныгъэр къыдэзыхыгъэр Новиковхэм яунагъу (гурыт еджапIэу N3). ЯтIонэрэ чIыпIэр Бзагохэм яунагъо фагъэшъошагъ (гурыт еджапIэу N 7), Бабабековхэр ящэнэрэ хъугъэх (лицееу N 34).
ХагъэунэфыкIырэ чIыпIэхэр къыдэзыхыгъэхэм щытхъу тхылъхэр ыкIи шIухьафтынхэр, кIэлэцIыкIухэм IэшIу-IушIухэр афагъэшъошагъэх.