УФ-м монополием пэшIуекIогъэнымкIэ икъулыкъу АР-мкIэ и ГъэIорышIапIэ пенсионнэ ыкIи социальнэ страхованиемкIэ федеральнэ Фондым и Къута­мэу АР-м щыIэм тэрэзэу зэхэзымы­хыхэрэм апае къа­шIырэ телевизорхэр къаIэкIэзыгъэ­хьащт компанием ­икъыхэхынкIэ зэнэ­къокъоу зэхищэгъагъэм ынаIэ тыри­дзагъ.

Ащ текIоныгъэр къы­щыдэзыхыгъэу зэзэгъы­ныгъэр игъом зымыгъэцэкIагъэр ары ащ ушъхьагъу шъхьаIэ фэхъугъэр.
Краснодар ищакIоу зэзэгъыныгъэм ыуасэ процент 33,5-м нэсэу къезгъэIыхыгъэр ары зэпстэу­мэ атекIуагъэр, ау пIалъэ­хэм адиштэу ипшъэрылъхэр ыгъэцэ­кIагъэхэп.
Пенсионнэ ыкIи со­циальнэ страхованиемкIэ Фондым и Къутамэ, хэ­бзэгъэуцугъэм къызэрэщиIорэм тетэу, монопо­лием пэшIуекIогъэнымкIэ къулыкъум зыфигъэзагъ. Зипшъэрылъхэр зымы­гъэцакIэхэрэм яспискэ компаниер хагъэхьанэу ар къыкIэлъэIугъ.
— Товарыр къезыгъэо­лIэн фэягъэм ар игъом зэримыгъэцэкIагъэм, ащ ыуж зэритыгъэр къызэ­римыушыхьатыжьыгъэм апае спискэм хэгъэхьэ­гъэн фаеу монополием пэшIуекIогъэнымкIэ къулыкъум икомиссие ылъытагъ, — къыщыхагъэ­щыгъ ГъэIорышIапIэм ипресс-къулыкъу.
Шъугу къэдгъэкIыжьын, зэзэгъыныгъэр зымыгъэцэкIагъэхэм яреестрэ хэ­гъэхьэгъэным къикIы-
рэр илъэситIум къэралыгъо ыкIи муниципальнэ закупкэхэм ахэлэжьэн фи­мытыныр ары.