Адыгеим щыщ илъэс 52-рэ зыныбжь Людмила Туль­скаяр зэрэмысэмкIэ Саратов хэку хьыкумым унашъоу ыштагъэм хэбзэ кIуачIэ иIэ хъугъэ.

Урысые Федерацием и Уголовнэ кодекс ия 275.1-рэ статья диштэу илъэси 4 хьапс ащ тыралъхьагъ.
Урысыем щынэгъон­чъэ­нымкIэ и Федеральнэ къулыкъу АР-мкIэ и ГъэIорышIапIэ зэригъэу­нэфыгъэмкIэ, Л. А. Тульскаям Украинэм щынэ­гъончъэнымкIэ икъулыкъу илIыкIохэм гущыIэ аритыгъагъ Урысыем ищынэ­гъончъагъэ зэщызыгъэ­къощт Iофхэм зэрахэлэ­жьэщтымкIэ.
ИIахьыл благъэу пщыныжь зэрагъэхьырэр ыкIи хэушъхьафыкIыгъэ дзэ операциер зыщыкIорэ чIы­пIэм къулыкъу щихьы­нымкIэ Урысыем зыкъэу­хъумэжьынымкIэ и Ми­нистерствэ зэзэгъыныгъэ дэзышIы зышIоигъор Ук­раинэм и УIэшыгъэ КIуа­чIэхэм ясатырхэм аха­гъэхьанэу амал щыIэмэ бзылъфыгъэр кIэупчIагъ, Урысые Федерацием ищы­нэгъончъагъэ изэщыгъэ­къонкIэ Украинэм илIыкIохэм IэпыIэгъу афэхъуным ежь зэрэфэхьазырыр ариIуагъ.
Украинэм илIыкIохэм бзылъфыгъэм зэпхыныгъэ къызэрэдыряIэщтыр къыраIуагъ, Урысыем идзэ­къулыкъушIэхэмрэ идзэ псэуалъэхэмрэ зыдэщыIэ чIыпIэхэм яхьылIэгъэ къэ­бархэр къыугъоинхэу ыкIи аIэкIигъэхьанэу пшъэрылъ къыфашIыгъ.
Урысыем щынэгъон­чъэнымкIэ и Федеральнэ къулыкъу АР-мкIэ и Гъэ­IорышIапIэ оперативнэ-­лъыхъун Iофтхьабзэу зэрихьагъэхэм яматериал­хэр IэубытыпIэ къызыфа­шIыхэзэ, Л. А. Тульскаям уголовнэ Iоф къыфызэ­Iуахыгъ ыкIи Урысыем и Уголовнэ кодекс ия 275.1-рэ статья диштэу пщыныжь тыралъхьагъ.
Урысыем щынэгъончъэнымкIэ и Феде­ральнэ къулыкъу
АР-мкIэ и ГъэIорышIапIэ ипресс-къулыкъу