Адыгэ республикэ клиническэ сымэджэщым ыкIи IэзапIэхэм «Шъоущыгъу узым иеджапIэхэр» къащызэIуахыгъэх. Мы узыр зиIэ нэбгырэ мин 16-м ехъу тишъолъыр щэпсэу ыкIи илъэс къэс ахэм япчъагъэ хэхъо. Ахэм IэпыIэгъу афэхъунхэм мы еджапIэхэр фытегъэпсыхьагъэх.

Нэбгыри 7 — 10 фэдиз хъурэ купыр врач-эндокринологым ыпкIэ хэмылъэу регъаджэ. Анахьэу арагъашIэхэрэр: шъоущыгъу узым зызэриушъомбгъурэр, тэрэзэу узэрэшхэщтыр, инсулиным ишапхъэ къызэрэплъытэщтыр, лъым хэлъ шъоущыгъум узкIылъыплъэн фаер, нэмыкIхэри.
Мыекъуапэ иIэзапIэхэу еджапIэхэр зыдэщыIэхэр:
ур. Шоссейнэр, 2Б, ур. Чкаловым ыцIэ зыхьырэр, 77.