Зыныбжь имыкъугъэхэр зыхэфэхэрэ гъогу-транспорт хъугъэ-шIагъэхэм къащыгъэкIэгъэныр зы пшъэрылъ шъхьаIэу Адыгеим и Къэралыгъо автоинспекцие ыпашъхьэ итхэм ащыщ.

Ащ епхыгъэу гъогу полицейскэхэм зэпымыоу еджапIэхэм ачIэс кIэлэеджа­кIохэм, студентхэм, кIэлэегъаджэхэм ыкIи ны-тыхэм зэIукIэгъухэр адызэхащэх.
Ахэм ащыщ ны-тыхэм язэIукIэгъоу лицееу N 8-м бэмышIэу щыкIуагъэу гъогурыкIоным ишапхъэхэр зыщыкIаджыкIыжьыгъэхэр.
Инспекторхэм ны-тыхэм къафаIотагъ якIэлэцIыкIухэм автомобильхэр зэрыкIорэ гъогур щынэгъончъэу зэрэзэпачыщтыр, ошIэ-дэмышIагъэу гъогум зыщырихьылIэнхэ ылъэкIыщтхэр ыкIи зы­ныбжь имыкъугъэхэм зэрахьэрэ укъоныгъэхэмкIэ, бзэджэшIагъэхэмкIэ ахэм пшъэ­дэкIыжь зэрахьырэр.
Джащ фэдэу зэIукIэгъум къыщы­хагъэщы­гъэхэм ащыщ джырэ лъэхъаным диштэрэ транспорт лъэпкъ зэфэшъхьаф­хэу Iэтахъо­хэм якIасэу агъэIорышIэхэ— рэм щынагъоу къыздахьын алъэкIыщтыр ыкIи ащ лъэшэу ны-тыхэм анаIэ тырагъэтын зэрэфаер. Зыныбжь имыкъугъэ­хэм автомобилыр зэрафэнэу Iизын арамытыным анаIэ тырарагъэдзагъ.
Iофтхьабзэм икIэухым полицейскэхэр къыфэджагъэх мафэ къэс гъогурыкIоным ишапхъэхэр ны-тыхэм кIэлэцIыкIухэм агу къагъэкIыжьынэу, шапхъэхэр зэрагъэцакIэрэр ежьхэм ящысэхэмкIэ арагъэлъэгъузэ, ныбжьыкIэхэм ящыIэныгъэ ыкIи япсауныгъэ къэухъумэгъэнэу.