Iофтхьабзэу «Внимание — дети!» зыфиIорэм къыдыхэлъытагъэу, АР-м икъэралыгъо автоинспекторхэм республикэм игъэсэныгъэ учреждениехэм егъэджэн сыхьатхэр ащызэхащэх. Гъогу-транспорт чIыпIэхэм кIэлэеджакIохэр щынэгъончъэу зэращызекIощт шIыкIэхэм ахэр афэгъэхьыгъэх.

Iофтхьабзэхэм ны-тыхэр ыкIи инспектор ныбжьыкIэхэм яотрядхэр къыхагъэ­лэжьагъэх. Республикэм иеджэпIэ зэфэшъхьафхэм зэIухыгъэ сыхьатхэр ыкIи «щынэгъончъагъэм итакъикъхэр» ащыкIуагъэх.
ГъогурыкIоным ишапхъэхэр бгъэцэкIэнхэм имэхьэнэ шъхьаIэ полицейскэхэм къаIотагъ, егъэджэн роликхэр арагъэлъэгъугъэх, «унэр – еджапIэр — унэр» зыфиIорэ гъогур зэрэгъэпсыгъэр ныбжьыкIэ цIыкIухэм адызэхафыгъ.
ХэушъхьафыкIыгъэ еджэпIэ транспорт площадкэхэм яшIуагъэкIэ гъогур тэрэзэу зэрэзэпачыщтыр, чIыпIэ гузэжъогъухэм зэрарымыфэщтхэр кIэлэеджакIохэм кIарагъэджыкIыжьыгъэх.
Инспекторхэм адашIыгъэ зэдэгущыIэгъум икIэух шIокI имыIэу гъогурыкIоным ишапхъэхэр зэрагъэцэкIэщтымкIэ кIэлэцIыкIухэм гущыIэ къатыгъ.