Тамыгъэ гъэнэфагъэ зытемыт электрон тутынхэр хэбзэнчъэу зэращэщтыгъэм фэгъэхьыгъэ тхылъ Адыгэ Республикэм хэгъэгу кIоцI IофхэмкIэ и Министерствэ экономикэ щынэгъончъэнымкIэ ыкIи къолъхьэ тын-Iыхыным пэуцужьыгъэнымкIэ игъэIорышIапIэ иIофышIэхэм зэхагъэуцуагъ.

Хэбзэнчъэу IуагъэкIыщтыгъэ пкъыгъо 700-м ехъур къаIахыгъ. Урысыем и МВД къалэу МыекъуапэкIэ иотделэу пэшIоры­гъэшъ административнэ уплъэкIунхэр зэхэзыщэрэм Урысые Федерацием и Уголовнэ кодекс ия 171.1-рэ статья ия 5-рэ Iахь диштэу уголовнэ Iоф къызэIуи­хыгъ.
Мы илъэсым иублэгъу полицейскэхэм оперативнэ Iофтхьабзэхэр зызэрахьэ­хэм нафэ къэхъугъагъ Мыекъуапэ щыщ, илъэс 55-рэ зыныбжь унэе предпринимателым итучанэу урамэу Депутатскэм тетым тамыгъэ гъэнэфагъэ зытырамыгъэуцогъэ пкъыгъохэу никотин зыхэлъхэр зэрэщыIуигъэкIыщтыгъэхэр.
Следственнэ-оперативнэ купымрэ оперативникхэмрэ тучаныр къызалъы­хъум, штрих код зытемыт электрон тутын 752-рэ къычIагъотагъ ыкIи ахэр предпринимателым къыIахыгъэх.
Адыгэ Республикэм хэгъэгу кIоцI IофхэмкIэ и Министерствэ иэкспертнэ-криминалистическэ гупчэ зэхищэгъэ экспертизэхэр, оперативникхэм къаугъо­игъэ материалхэр IэубытыпIэ къызыфишIыхэзэ, Урысыем и МВД къалэу МыекъуапэкIэ иотделэу пэшIорыгъэшъ административнэ уплъэкIунхэр зэхэзыщэрэм УФ-м и Уголовнэ кодекс ия 171.1-рэ статья ия 5-рэ Iахь диштэу уголовнэ Iоф къызэIуихыгъ.
Хабзэр зыукъуагъэм сомэ мин 500-м нэсэу тазыр рагъэтын е илъэси 3 хьапсрэ сомэ мини 120-м нэсэу тазыр­рэ тыралъхьан алъэкIыщт.
АР-м и МВД ипресс-къулыкъу