Top.Mail.Ru

«Зэкъошныгъэм» итекIоныгъ

Image description

ФутболымкIэ Урысыем изэнэкъокъу иятIонэрэ лигэ хэт «Зэкъошныгъэм» зичэзыу ешIэгъоу иIагъэм текIоныгъэ къыщыдихыгъ.

«Биолог-Новокубанск» — «Зэкъошныгъ» — 0:2 (0:0).
«Биолог-Новокубанск» хэтыгъэхэр: В. Гуськовыр, Д. Щербань, М. Пириевыр, В. Абра­мовыр, Р. Тимаковыр (Г. Раскинд), Э. Алборовыр, А. Бори­совыр (А. Баранцовыр), А. Цо­гоевыр (Б. Кондрамашиныр), Д. Переверзевыр (А. Саркисовыр), С. Лысенкэр (А. Абдоковыр), М. Малыш.
Тренер шъхьаIэр:
В. Заздравных.
«Зэкъошныгъэм» щешIагъэ­хэр: Т. Хачировыр, Д. Савиных (Ш. Гайдаровыр), И. Абдуллае-
выр, М. Ягьяевыр, И. Оразаевыр, К. Юшко, З. Коблыр (А. Малкандуевыр), М. Коломийцевыр, Д. Антоненкэр, Н. Сергеевыр (А. Зезэрахьэр), А. Делэкъор (Г. Абдуллаевыр).
Тренер шъхьаIэр:
С. Мирошниченкэр.
ПсэупIэу Прогрессым щыкIонэу щытыгъэ ешIэгъур командэу «Биолог-Новокубанск» илъэIукIэ Мыекъуапэ щырагъэкIокIыгъ.
Мыщ ушъхьагъоу иIэр Урысыем ипервенствэ къыдыхэлъытэгъэ зэIукIэгъухэр щызэхэпщэнхэмкIэ ащ истадион шапхъэхэм зэрадимыштэрэр ары.


Апэрэ таймым командэхэм къэлапчъэм Iэгуаор дадзэн алъэ­кIыгъэп. ЯтIонэрэм ипэублэ «Зэ­къошныгъэм» икапитанэу Делэкъо Аскэр пчъагъэр къызэIуихыгъ. ТIэкIу тешIагъэу Даниил Антоненкэм пчъагъэр 2:0 ышIыгъ, Адыгеим ифутболистхэм текIо­ныгъэр къыдахыгъ.
— ТекIоныгъэ къин. Сифутболистхэм ятIонэрэ таймым сызэ­рэзэхахыгъэр дэгъу, сыда пIомэ мы уахътэм ахэр нахь чанэу ешIагъэх, текIоныгъэм яшъып­къэу фэбэнагъэх, — къыIуагъ «Зэ­къошныгъэм» итренер шъхьаIэу Сергей Мирошниченкэм.
Я 24-рэ турым изэфэхьысыжьхэр:
«Биолог-Новокубанск» — «Зэкъошныгъ» — 0:2, «Динамо Ставрополь» — «Рубин Ялта» — 0:0, «Астрахань» — «Форте» — 0:3, «Строитель» — «Кубань Холдинг» — 0:0, «Спартак-Налщык» — «Нарт» — 2:5, «Ростов-2» — «Динамо-2» — 2:0, «Севастополь» — «Ангушт» — 0:0, «Победа» — «Алания-2» — 2:0.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

  1. «Форте» — 46.
  2. «Динамо Ставрополь» — 44.
  3. «Легион» — 42.
  4. «Ростов-2» — 42.
  5. «Рубин Ялта» — 40.
  6. «Астрахань» — 39.
  7. «Севастополь» — 39.
  8. «Нарт» — 32.
  9. «Строитель» — 31.
  10. «Ангушт» — 29.
  11. «Зэкъошныгъ» — 27.
  12. «Спартак-Налщык» — 26.
  13. «Кубань Холдинг» — 23.
  14. «Биолог-Новокубанск» — 22.
  15. «Победа» — 22.
  16. «Алания-2» — 13.
  17. «Динамо-2» — 12.
    КъыкIэлъыкIощт зэIукIэгъур «Зэкъошныгъэм» къалэу Мые­къуапэ щыриIэщт, Iоныгъом и 14-м командэу «Спартак-Налщык» дешIэщт.