Ар зыцIэ проектыр шъолъырхэм хэхъоныгъэ ягъэшIыгъэнымкIэ Правительствэм и Комиссие иунашъокIэ 2022-рэ илъэсым къыщыублагъэу Росреестрэм пхырещы. ЧIыгу Iахьхэр зекIоным зегъэушъомбгъугъэным фэгъэIорышIэгъэнхэм ар тегъэпсыхьагъ.

Проектым ипхырыщын фэшI Росреестрэм, компаниеу «Роскадастрэм» ыкIи АР-м и Правительствэ къэбарлъыгъэ­Iэсыным ылъэныкъокIэ зэдэлэжьэнхэу зэзэгъыныгъэм зэдыкIэтхагъэх. АР-м иминистрэхэм я Кабинет иунашъокIэ ащ зекIонымкIэ ыкIи зыгъэпсэфыпIэхэмкIэ Комитетыр фэгъэзагъэ хъугъэ.
«ЧIыгур зекIоным пай» зыфиIорэ проектым зекIоным изегъэушъомбгъун ищыкIэгъэ инфраструктурэм игъэпсын фэшI мылъкум хэхьэрэ чIыгу Iахьхэр къыхэгъэщыгъэнхэр ары пшъэрылъ шъхьа­Iэу иIэр. Ащ фэдэ чIыгухэр «Пуб­личнэ кадастровэ картэм» хагъэхьащтых.
Хэгъэгу кIоцI зекIоным уи Хэгъэгу нахь куоу зэбгъэшIэн амал къызэритырэм имызакъоу, къэралыгъом иэкономикэ зиушъомбгъунми фэIорышIэ.
— Мыр мэхьанэшхо зиIэ проект, зекIоным зегъэушъомбгъугъэным, инвесторхэр нахьыбэу къещэлIэгъэнхэм фытегъэпсыхьэгъэ чIыпIэхэр къыхэгъэщыгъэнхэ амал къеты. Ащ ишIуагъэкIэ бизнесым пылъхэм яIофшIэн нахьыбэу шIуагъэ къыхьынэу агъэнэфэн алъэкIыщт. А зэпстэур шъолъырым иэкономикэ хэхъоныгъэхэр ышIынхэм фэIорышIэщт, — къыIуагъ Росреестрэм АР-мкIэ и ГъэIорышIапIэ ипащэу Марина Никифоровам.