Урысыем и Следственнэ комитет иследственнэ ГъэIорышIапIэу АР-м щыIэм и Тэхъутэмыкъое межрайон следственнэ отдел мыщ щыпсэурэ хъулъфыгъэм ылъэныкъокIэ къызэIуахыгъэ уголовнэ Iофым хэплъагъ.

ЗэрагъэунэфыгъэмкIэ, 2021-рэ илъэсым гъэтхапэм и 15-м поселкэу Яблоновскэм иурам горэм лъэсрыкIомрэ водителымрэ азыфагу зэмызэгъыныгъэ къитаджи, зэшIонагъэх. Ащ къыхэкIэу водителым гъогогъу пчъагъэрэ лъэсрыкIом ышъхьэ утынхэр рихыгъэх, нэужым папцIэу ыIыгъыгъэ пкъыгъомкIэ ышъхьэ хэпыджагъ. Лажьэ зэрахыгъэр медицинэ учреждением псынкIэу нагъэси Iэпы­Iэгъу фэхъугъэх. БзэджашIэм зигъэбылъы­жьыгъ. 2024-рэ илъэсым шышъхьэIум нэс ар федеральнэ лъыхъуным щыIагъ.
БзэджашIэр къаубытыгъ ыкIи охътэ гъэнэфагъэкIэ хьапсым чIагъэтIысхьагъ.
Тэхъутэмыкъое районым ипрокурор къызэIуихыгъэ уголовнэ Iофыр хьыкумыр хэплъэнэу фигъэхьыгъ.

Урысыем и Следственнэ комитет иследственнэ ГъэIорышIапIэу АР-м щыIэм ипресс-къулыкъу.