Компьютер техникэр зыщащэрэ тучанэу Мыекъуапэ дэтым ноутбукыр чIаты­гъукIыгъэу илъэс 32-рэ зыныбжь бзылъфыгъэм полицием зыфигъэзагъ. Зэрарэу фэхъугъэр сомэ мин 30 мэхъу. Мы хъугъэ-шIа­гъэмкIэ уголовнэ Iоф къызэIуахыгъ.

Полицием изэфэхьысыжьхэмкIэ, щыгъын хьап-щып­хэр зэратыгъугъэхэм фэгъэхьыгъэ хъугъэ-шIагъэхэри атхыгъэх. Сомэ мини 5 фэдиз зыосэ щыгъыныр зытыгъугъэ хъулъфыгъэу илъэс 44-рэ зыныбжьыр къаубытыгъ. Тэхъутэмыкъое районми мыщ фэдэ хъугъэ— шIагъэ щагъэунэфыгъ.
Гъомылапхъэхэр зыщащэрэ тучаным амыгъэунэфыгъэ цIыфхэм сомэ мини 6 зыосэ шхыныгъохэр зэрэчIахыгъэм епхыгъэу илъэс 39-рэ зыныбжь бзылъфыгъэм полицием зыфигъэзагъ. Джащ фэдэу гипермаркетхэм ащыщ горэм тыгъон бзэджэшIагъэ щызэрахьан гухэлъ яIэу хъугъэ-шIагъэ щагъэунэфыгъ. Полицием икъулыкъушIэхэм ыпэкIэ хьапс зытелъы­гъэу Шъачэ щыщ илъэс 20 зыныбжь кIалэр къаубытыгъ. Сомэ мини 10 зыосэ товарыр ащ къыIахыжьыгъ.
Зэфэхьысыжьхэм къызэрагъэлъагъорэмкIэ, тучанхэм зэращытыгъохэрэм япчъагъэ хэхъуагъ. ШышъхьэIу мазэм тучанхэм ятыгъуагъэхэу полицием икъулыкъу­шIэхэм гъогогъу 14-рэ закъыфагъэзагъ. Мы хъугъэ— шIагъэхэмкIэ уплъэкIун Iофтхьабзэхэр рагъэкIокIых.
Хэутыным фэзыгъэхьазырыгъэр
КIАРЭ Фатим.