Iоныгъом и 2-м къыщегъэжьагъэу зыныбжь имыкъугъэхэм бзэджэшIагъэ зэрамыхьаным, зэгурыIоныгъэ зэрымылъ унагъохэм якIэлэцIыкIухэм жъалымыгъэ адызэрамыхьаным афэшI Адыгеим иполицие икъулыкъушIэхэм пэшIорыгъэшъ Iофтхьабзэу «Iэтахъо – еджапI» зыфиIорэр регъэ­кIокIы.

Iофтхьабзэхэм язэхэщэнкIэ АР-м хэгъэгу кIоцI IофхэмкIэ и Министерствэ хэушъхьафыкIыгъэ IофшIэкIо куп зэхищагъ.
ДэкIыгъохэр рагъэкIокIыхэзэ, зыныбжь имыкъугъэу зыпари алъымыплъэу гъогухэм атетхэр, джащ фэдэу еджапIэм мыкIохэу, общественнэ чIыпIэхэм ащыIэхэр къыхагъэщых.
Зыныбжь имыкъугъэхэм яIофыгъохэмкIэ подразделением къулыкъум епхыгъэ Общественнэ советым хэтхэр игъусэхэу яхэбзэ фитыныгъэхэр къэухъумэгъэ­ным ылъэныкъокIэ кIэлэцIыкIухэм ыкIи ахэм янэ-ятэхэм зэдэгущыIэгъухэр адашIых.
Джащ фэдэу пэшIорыгъэшъ учетым хэт унагъохэм гъэлъэшыгъэ шIыкIэм тетэу анаIэ атырагъэты.
Зэфэхьысыжьхэм къызэрагъэлъагъорэмкIэ, мыщ фэдэ Iофтхьабзэхэм яшIуагъэкIэ «Iэтэхъо къинхэр», джащ фэдэу зэгурыIоныгъэ зэрымылъ унагъохэр игъом къыхагъэщынхэ алъэкIы ыкIи IэпыIэгъу афэ­хъух.