УФ-м хэгъэгу кIоцI IофхэмкIэ и Министерствэ кIэщакIо зыфэхъугъэ Урысые зэнэ­къокъоу «Народный участковый-2024» зыфиIорэм иапэрэ едзыгъо Адыгеим щыра­гъэжьагъ. Iофтхьабзэр онлайн шIыкIэм тетэу макIо.

Министерствэм исайт шъуихьанышъ, шъугу рихьырэ къулыкъушIэм шъумакъэ фэшъутын амал шъуиI. Мэкъэтыныр Iоныгъом и 11-м къыщегъэжьагъэу и 20-м нэс кIощт.
ЦIыфхэм анахьэу зыдырагъэштэгъэ, амакъэ зыфатыгъэ къулыкъушIэхэр зэнэкъокъум иятIонэрэ уцугъо щызэIукIэщтых. Республикэ мэхьанэ зиIэ Iофтхьабзэр 2024-рэ илъэсым чъэпыогъум и 7-м щегъэжьагъэу и 16-м нэс рагъэкIокIыщт. Ащ текIоныгъэр къыщыдэзыхырэм Адыгеир ящэнэрэ федеральнэ едзыгъом къыщигъэлъэгъощт.
Илъэс пчъагъэ хъугъэу зэхащэрэ зэнэкъокъур полициемрэ обществэмрэ зэпхыныгъэу яIэр гъэпытэгъэ­ным, цIыфхэм хэбзэухъумакIохэм цыхьэу афашIырэм хэгъэхъогъэным, мы къулыкъум имэхьанэ къэIэты­гъэным афэIорышIэ.