ЦIыфым банкхэм, нэмыкIэу чIыфэ зытырэ организациехэм ахъщэ къаIи­хыгъэу, ар ымытыжьы­шъурэмэ, «истыхьагъэу» ыгъэпсын фит.

Ащ шапхъэу пылъхэр зыщытхыгъэ хэбзэгъэуцугъэм гъэтэрэзыжьынэу фашIыгъэхэм Iоныгъо мазэу тызхэтым и 8-м кIуачIэ яIэ хъущт.
«Банкротствэ» зыфаIорэр зыгъэпсырэм ипотекэр къызфигъэфеди унэ къыщэфыгъэу, ащ нэмыкI псэупIэ имыIэмэ, ар Iамыхыным гъэтэрэзыжьынхэр фэгъэхьыгъэх. НахьыпэкIэ «исты­хьагъэм» мылъкоу Iахырэм банкым чIыфэу къыритыгъэмкIэ ыщэфыгъэ унэри ащыщыгъ.
Апэрэ гъэтэрэзыжьыным къы­зэрэщиIорэмкIэ, ипотекэмкIэ чIыфэ зытелъым ар фэзыты­жьын къыгъотын фит. Банкротст­вэм къыдыхэлъытагъэу иахъщэу аубытырэм ар хэхьащтэп, ау процентхэр зытемыхъорэ займ къыратыгъэу алъытэщт. Ащ те­тэу ипотекэу ыгъэпсыгъэмкIэ чIыфэу телъыр зипщыныжькIэ, унэр Iахыщтхэм ахагъэкIыщт.
ЧIыфэр зыпщыныжьыгъэм къызщиIорэ пIалъэм ахъщэр ритыжьын фаеу хэбзэгъэуцу­гъэм итхагъ, ау цIыфыр «исты­хьагъэу» банкым зилъытагъэм ыуж илъэсищ темышIэу ар Iи­хыжьын фитэп.
ЯтIонэрэ гъэтэрэзыжьыным ипотекэмкIэ чIыфэ зытелъым ар къезытыгъэ банкым нэмыкI зэзэгъыныгъэ дишIын ылъэ­кIы­нэу къыщеIо. Джащ фэдэу икIэ­рыкIэу къыфалъытэжьынэу (ре­структуризация) ыгъэпсын фит. Мы тхылъхэм Арбитражнэ хьыкумыр ахэплъэнышъ, ыштэнхэ фае.
Хэутыным фэзыгъэхьа­зырыгъэр ХЪУТ Нэфсэт.