Урысыем ошIэ-дэмышIэ IофхэмкIэ и Министерствэ Адыгэ Респуб­ликэмкIэ и ГъэIорышIэпIэ шъхьаIэ шъолъырым исхэм агу къегъэкIы­жьы машIом зыкъымыштэнымкIэ шэпхъэ гъэнэфагъэхэм республи-
кэм зэращытехьагъэхэр.

НепэкIэ машIохэр ашIыхэ, хэкIхэр, уц гъугъэхэр, пыдза­фэхэр агъэстыхэ хъущтэп.
Мафэ къэс республикэм ис­хэм пэшIорыгъэшъ Iофтхьа­бзэхэр адызэрахьэх. МашIом зыкъымыштэнымкIэ шапхъэу зэрыгъозэн фаехэм афэгъэ­хьыгъэу нэбгырэ 900-м ехъу-
мэ адэгущыIагъэх, социальнэу мыухъумэгъэ унагъохэр зыщыпсэурэ чIыпIэхэр ауплъэкIугъэх.
МашIом зыкъымыштэным гъунэ лъызыфырэ къэралыгъо къулыкъум иинспекторхэр чIыгу Iахьхэр зиехэм къяджэх:
— ячъыгхатэхэми, яунэхэм къапэIулъ чIыпIэхэми хэкIхэмрэ уц гъугъэхэмрэ ащаугъоинхэу;
— ячIыгу Iахьхэм машIо ащамышIынэу, хэкIхэр, уцхэр, нэмыкI пыдзафэхэр ащамыгъэстынхэу;
— псыр зэрыт шъондырхэр е машIор зэрагъэкIосэжьырэ пкъыгъохэр яIэнхэу;
— кIэлэцIыкIухэр язакъоу къамыгъэнэнхэу;
— сырнычхэмрэ машIо къызыпыкIын ылъэкIыщт нэмыкI пкъыгъохэмрэ кIэлэцIыкIухэр зынэсынхэ амылъэкIыщт чIыпIэхэм ащагъэтIылъынхэу.
ЗыгорэкIэ машIом зыкъы­штагъэу залъэгъукIэ телефонхэу «101-мкIэ» е «112-мкIэ» псын­кIэу афытеонхэ фае.
Хьагъундэкъо Мэдин.
Урысыем и МЧС Адыгэ РеспубликэмкIэ и ГъэIорышIэпIэ шъхьаIэ епхыгъэ мэшIогъэкIосэ къулыкъум икъэрэгъулэ куп ипащ.