ФутболымкIэ Адыгэ Республикэм ипервенствэ апэрэ чIыпIэр щызыIыгъыр командэу «Мыекъуапэ».

Къылэдэсхэр блэкIыгъэ зэнэ­къокъум ичемпионых ыкIи зэ­лъыпытэу ятIонэрэ текIоныгъэр къыдахыным пэблагъэх.
Мы мафэхэм «Мыекъуапэр» Тэхъутэмыкъое районым икомандэ IукIагъ ыкIи 7:1-у текIоныгъэр къыдихыгъ. Къэлапчъэм Iогоуиблыр дэзыдзагъэхэр футболист зэфэшъхьафых. Ау республикэм икъэлэ шъхьаIэ илIыкIохэм ­ешIэгъу къинхэр джыри къапыщылъых, ахэр «Кощхьаблэм» ыкIи «Кавказым» дешIэщтых.
Къэлапчъэм Iэгуаор анахьыбэу дэзыдзагъэхэм язэнэкъокъуи гъэшIэгъонэу макIо. Джырэ уахътэм футболисти 5 анахьэу къахэщых. Ау апэрэ чIыпIэм щытыр командэу «Кощхьаблэм» хэт Шэуджэн Ислъам. Ащ гъогогъу 11-рэ къэлапчъэм Iэгуаор дидзагъ, адрэхэр ащ ыуж тIэкIу къенэх.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Мыекъуапэ» — 27.
2. «Кощхьабл» — 25.
3. «Кавказ» — 25.
4. «Тэхъутэмыкъое район» — 24.
5. «Урожай» — 10.
6. «Чэчэнай» — 7.
7. «Адыгэкъал» — 2.
8. «Джаджэ» — 2.
   Я 12-рэ турым къыдыхэлъытэгъэ ешIэгъоу щыIэщтхэр:
   «Тэхъутэмыкъое район» — «Кощхьабл», «Адыгэкъал» — «Урожай» (Iоныгъом и 7-м), «Мыекъуапэ» — «Кавказ» ыкIи «Чэчэнай» — «Джаджэ» (Iоныгъом и 8-м).