Пыдзэфэ пытэхэм ядэщын фэгъэзэгъэ шъолъыр операторым цIыфхэм хэкIэу къырахырэр зэратэкъорэ контейнерхэм язэблэхъун Адыгеим щылъегъэкIуатэ.

ШъушIэн фае! Контейнерхэр цIыфхэм «коммунальнэкIэ» тызэджэрэ хэкIэу къырахыхэрэм апай. Ахэм ахэхьэх гъомылэпхъэ пыдзафэхэр, тхылъыпIэм, апчым, полимерым, тенэчым ахэшIыкIыгъэ пкъыгъохэр, щыгъынхэр, унэгъо псэуалъэхэр, Iэмэ-псымэхэр.
ХэкIидзапIэхэм арышъудзэ хъущтэп:
— пыдзафэу ныкъост хъугъэу, джыри мыкIосэжьыгъэхэр е плъырхэр;
— электрическэ лампэу ртуть зыхэлъхэр;
— батарейхэр, аккумуляторхэр;
— медицинэм щагъэфедэрэ пкъыгъохэр;
— псэолъэшI пыдзафэхэр;
— нэмыкIэу хэкIыр Iузыщыхэрэм япсауныгъэкIэ ыкIи ящыIэныгъэкIэ щынагъо къэзытыхэрэр, бакхэр, автомашинэу пы­дзафэхэр дэзыщыхэрэр зыгъэфыкъощтхэр.
Пкъыгъо е псэолъэ инхэри пыдзэфэ пытэхэм ахэхьэх. Зигугъу тшIырэр техникэ зэфэшъхьафэу унагъом щагъэфедэхэрэр, псэуалъэхэр (мебелыр), гъэцэкIэжьын IофшIэнхэм къапызыгъэхэр, гущыIэм пае, пчъэхэр, шъхьаныгъупчъэхэр. Ау ахэм чIыпIэшхо зэраубытырэм къыхэкIэу, контейнерхэм арышъудзэхэ хъущтэп.
Мы шапхъэхэр зэкIэми агъэцакIэхэмэ, хэкIидзапIэхэр нахьыбэрэ къашъ­хьэпэщтых.
«ЭкоЦентрэм» и Адыгэ шъолъыр къутамэ ипресс-къулыкъу.