Спорт бэнэным илъэныкъоу панкратионымкIэ зэнэ­къокъухэр Адыгэ къэ­ралыгъо университетым иордэунэу Кобл Якъубэ ыцIэ зыхьырэм щыкIуа­гъэх. Iофтхьабзэр Александр Деминым ишIэжь фэгъэхьы­гъагъ.

Ащ изэхэщэн кIэщакIо фэхъугъэх хьыкум приставхэм яфедеральнэ къулыкъу АдыгеимкIэ и ГъэIорышIапIэ, АР-м спорт бэнэнымкIэ ифедерацие, республикэм физическэ культурэмкIэ ыкIи спортымкIэ и Комитет, Урысыем и ДОСААФ и Адыгэ шъолъыр къутамэ.
Судейскэ коллегием пэщэныгъэ дызэрихьагъ хьыкум приставхэм яфедеральнэ къулыкъу Адыге­имкIэ и ГъэIорышIапIэ опе­ративнэ дежурствэмкIэ иотделениие ипащэу Къэлэшъэо Аскар.
Зэнэкъокъухэм илъэси 6-м щегъэжьагъэу 20-м нэс зыныбжьхэр ыкIи ахэм анахьыжъхэр ахэлэжьагъэх. ХьакIэ лъапIэу къырагъэблэгъагъэхэм ащы­щых запасым щыIэ майорэу Владимир Зайцевымрэ щынэгъончъэнымкIэ федеральнэ къулы­къум АдыгеимкIэ и ГъэIорышIапIэ иветеранхэм я Совет илIыкIоу Спартак Струпинскэмрэ.
Краснодар ыкIи Ставропольскэ крайхэм, Адыге­им, Ингушетием, Чэчэным, Къэрэщэе-Черкесым, Къалмыкъым, Темыр Осетием — Ала­нием, Воронежскэ ыкIи Рос­товскэ хэкухэм яспорт­смен 250-м ехъумэ зау­шэтыгъ.

Хьыкум приставхэм яфедеральнэ къулыкъу АдыгеимкIэ и ГъэIорышIапIэ ипресс-къулыкъу.
Сурэтхэр: ГъэIорышIапIэм ипресс-къулыкъу