Тэхъутэмыкъое ­районым щыпсэурэ хъулъфыгъэм кIэлэпIупкIэр игъом зэ­рэ­римытырэм къы­хэкIэу хьыкум приставхэм яфедеральнэ къулыкъу и Гъэ­Iо­рышIапIэу Адыгеим щыIэм иотдел Iоф къыфызэIуи­хыгъ.

Хэбзэгъэуцугъэм ди­штэу хъулъфыгъэм мазэ къэс икIэлэцIыкIу ахъщэ ритын фэягъ. Ау ащ фэдэ Iоф къыфызэIуахыгъэми, кIэлэпIупкIэр ытын фэя­гъэми ымышIэу ащ хьыкум приставым къыриIуагъ. Ащ къыхэкIэу чIыфэр сомэ мини 150-м ехъугъ.
Хьыкум пристав-гъэ­цэ­кIакIом кIэлэпIупкIэр ­игъом зымытырэ хъулъфыгъэм имылъку арест тырилъхьагъ, Iофэу къыфызэIуахыгъэм щигъэгъозагъ ыкIи чIыфэр игъом къызимыпщынкIэ хэбзэ­гъэуцугъэм диштэу къы­кIэлъыкIон ылъэкIыщтыр гуригъэIуагъ.
Мыщ фэдэ екIолIакIэм ишIуагъэ къэкIуагъ, хъулъфыгъэм охътабэ тыри­мыгъашIэу кIэлэпIупкIэу чIыфэу телъыр къыпщыныжьыгъ.