ХэушъхьафыкIыгъэ дзэ операцием хэлажьэхэрэм IэпыIэгъу ягъэгъотыгъэнымкIэ проектхэр, Iофтхьабзэхэр пхырыщыгъэнхэм, дзэкъулыкъушIэхэр социальнэу ухъумэгъэнхэм атегъэпсыхьагъэу СВО-м иволонтерхэм я Ассоциацие мы илъэсым, мэлылъфэгъум и 20-м зэхащагъ.

Ассоциацием изэхэщакIохэм ахэтых Къэбэртэе-Бэлъкъарым, Республикэу Дагъыстан, Донецкэ Народнэ Респуб­ликэм, Адыгэ Республикэм, Республикэу Темыр Осетием — Аланием, Ставрополь краим, Тюмень хэкум, Краснодар краим, Республикэу Къырым ялIыкIохэу шIушIэ IэпыIэгъур хэушъхьафыкIыгъэ дзэ операциер зыщыкIорэ чIыпIэхэм аIэкIэзыгъахьэхэрэр.
СВО-м иволонтерхэм я Ассоциацие макъэ къегъэIу хэушъхьафыкIыгъэ дзэ операцием фэгъэхьыгъэ усэхэр зэриугъоирэмкIэ, ахэр зыщызэгъэуIугъэ тхылъ къызэрэдигъэкIыщтымкIэ.
ЗэхэщакIохэр цIыфхэм къяджэх хэгъэгум шIулъэгъоу фыряIэр, тилIыхъужъхэм IэпыIэгъу зэрафэхъухэрэр къызыщыраIотыкIырэ яусэхэр къарахьылIэнхэу. Ассоциацием иправление хэтхэр ары тхылъым къыдэхьащт усэхэр къыхэзы­хыщтхэр. Ахэр зыщызэгъэуIугъэщт сборникыр мы илъэсым ишэкIогъу мазэ нэс къыдагъэ­кIынэу рахъухьэ. Тхылъхэм алъатыщт уасэр хэушъхьафыкIыгъэ дзэ операцием хэлажьэхэрэм шIушIэ IэпыIэгъоу аIэкIагъахьэрэм пэIуагъэхьащт.
ЗышIоигъо пстэуми яусэхэр 2024-рэ илъэсым Iоныгъом и 30-м нэс мыщ фэдэ электрон адресымкIэ: volsvo@rambler.ru зыфиIорэмкIэ аIэкIагъэ­хьан фае. ШъулъэкъуацIэ, шъуцIэ, шъуя­тацIэ, шъузыщыпсэурэ чIыпIэр, шъуителефон номер къишъутхэнэу зыщышъумыгъэгъупш.
Зызыфэжъугъазэмэ хъущтыр: СВО-м иволонтерхэм я Ассоциацие ивице-президентэу Суркова Екатерина Владимир ыпхъур, ащ ител. +79889335758.