ФутболымкIэ Адыгэ Республикэм изэнэкъокъу чемпионыкIэ иIэ хъугъэ.

Ар аухынкIэ зы тур къэнагъэу Красногвардейскэ районым икомандэу «Кавказ Адэмыем» текIоныгъэр къыдихыгъ.
Мы мафэхэм «Кавказ Адэ­мыер» Адыгэ къэралыгъо университетым икомандэ IукIагъ. Студентхэм текIоныгъэр къыз­дахыкIэ, апэрэ чIыпIэм фэбэнэнхэ амал джыри яIагъ, ау ар къадэхъугъэп. Красногвардейскэ районым илIыкIохэр хэпшIыкIэу нахь лъэшыгъэх, пчъагъэр 6:0-у зэIукIэгъур аухыгъ. Артем Мельник гъогогъуищэ къэлапчъэм Iэ­гуаор дидзагъ.

Теуцожь районым икомандэу «Чэчэнаир» «Урожаим» дешIагъ ыкIи 4:1-у текIоныгъэр къыди-­
хыгъ. «Кощхьаблэр» «Мыекъуапэм» нахь лъэшыгъ, зэIукIэгъур 3:0-у аухыгъ.
Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «Кавказ Адэмый» — 27.
2. «АГУ» — 18.
3. «Чэчэнай» — 17.
4. «Кощхьабл» — 9.
5. «Урожай» — 7.
6. «Мыекъуапэ» — 0.