Пыдзэфэ пытэу цIыфхэм къырахырэр зэратэкъорэ контейнерхэр Адыгеим щызэблахъух. «ЭкоЦентрэм» хэкIидзапIэхэр Мыекъуапэ, Адыгэкъалэ, Тэ­хъу­тэмыкъое ыкIи Мыекъопэ районхэм кIэу ащигъэуцущтых.

Фэтэрыбэу зэхэт унэу Мыекъуапэ дэтхэм ащыщыбэм яплощадкэхэм ахэр ащызэблахъугъэх. ГущыIэм пае, районхэу «Восходыр», «ЦКЗ-р», къэлэ гупчэр пштэхэмэ, зэкIэми «евробаккIэ» заджэ­хэрэ хэкIидзапIэхэр ащагъэуцугъэх.
Джыри, шышъхьэIу мазэм ыкIэм нэс, районхэу «Черемушкэм», саугъэт зэхэтым ылъэныкъо, чъыгхэтэ товариществэхэм бак 30 ащызэблахъущт. ГъучIым хэшIыкIыгъэ контейнерэу жъы хъугъэ-
хэм ачIыпIэ агъэуцущтхэм урамхэм, щагухэм ятеплъэ нахьышIу къашIыщт.
Шъолъыр операторым шъугу къегъэ­кIыжьы, ахэр пыдзэфэ пытэхэм апай, псэолъэшIыным къыпыкIыгъэ хэкIыр, чъыг къутамэхэр, псынкIэу къызыкIэнэрэ пкъыгъохэр арыптакъо хъущтэп.
Пыдзафэхэм яIущын фэгъэхьыгъэ упчIэ зиIэр мы телефонхэмкIэ къытеон ылъэкIыщт:8-800-707-05-08, 8-962-868-14-62(мыщ WhatsApp пышIагъ).
«Экоцентрэм» и Адыгэ шъолъыр къутамэ ипресс-къулыкъу.