Урысыем и Следственнэ комитет иследственнэ ГъэIорышIапIэу Адыгеим щыIэм Джэджэ районымкIэ иследственнэ отдел мы районым щыпсэурэм укIыгъэ Iоф зэрихьан гухэлъ зэриIагъэм ыкIи къэорэ шхончымрэ ащ ищэгынхэмрэ хэбзэнчъэу зэриIыгъыгъэхэм алъэныкъокIэ уголовнэ Iофэу къыфызэIуахыгъэм хэплъагъ.

Следствием зэригъэунэфыгъэмкIэ, 2009-рэ илъэ­сым бжыхьэм хъулъфыгъэм хэбзэнчъэу зы заряд зиIэ шхончыр ыкIи щэгынхэр къызIэкIигъэхьагъэх, ахэр унэм щиIыгъыгъ.
2024-рэ илъэсым мэкъуогъум лажьэ зиIэмрэ игъунэгъумрэ зэгурымыIоныгъэ азыфагу къызетаджэм ащ шхончыр къышти, игъунэгъум зеом, шъобжхэр тырищагъэх, ежьым зигъэбылъыжьыгъ. Лажьэ зырихыгъэм игъом медицинэ IэпыIэгъу рагъэгъотыгъ.
БзэджашIэр къаубытыгъ. Джэджэ районым ипрокуратурэ зыхэплъэгъэ Iофыр хьыкумым фигъэхьыгъ.
Урысыем и Следственнэ комитет
иследственнэ ГъэIорышIапIэу
Адыгеим щыIэм ипресс-къулыкъу.