Республикэ фестивалэу «Адыгэ къуаер» Мыекъопэ районымкIэ Дахъо гъэхъунэм Iоныгъом и 7 — 8-м щыкIощт.

Апэрэ мафэм (Iоныгъом и 7-м) сы­хьатыр 10-м къыщегъэжьагъэу пчыхьэм сыхьатыр 9-м ыныкъом нэс лъэпкъ щагухэр зэIухыгъэщтых. Сыхьатыр 11-м къыщегъэжьагъэу пчыхьэм сыхьатыр 8-м нэс упкIэм игъэпцIэнкIэ, дышъэ­идэмкIэ, мэтэшIынымкIэ, пхъэкIычхэм яугъоижьынкIэ, лъэпкъ мэкъэмэ Iэмэ-­псымэхэм ягъэхьарызынкIэ, адыгэ пIуа­блэм ишIынкIэ, хъэнымкIэ ыкIи нэмыкI лъэпкъ Iэпэщысэхэм яшIынкIэ мас­тер-классхэр зэхащэщтых.
Iофтхьабзэр зезыщэхэрэм сыхьатыр 10-м фестивалым хэлажьэхэрэмрэ ихьа­кIэхэмрэ шIуфэс къарахыщт. Адыгеим лъэпкъ къашъомкIэ и Къэралыгъо академическэ ансамблэу «Налмэсыр» сы­хьатыр 11-м ыныкъом Дахъо гъэхъунэ къыщышъощт. Сыхьатыр 11-м фестивалыр къызэIуахыщт. Сыхьатыр такъикъ 25-кIэ 12-м хэхьагъэу купэу «Мыстым» икъэгъэлъэгъон ригъэжьэщт.
Сыхьатыр 10-м щегъэжьагъэу пчы­хьэм сыхьатыр 7-м нэс Адыгэ Рес­пуб­ликэм акробатикэмкIэ ыкIи гимнастикэмкIэ ифедерацие гимнастикэмкIэ, акробатикэмкIэ, армстрелингымкIэ, дзю­домкIэ, боксымкIэ мастер-классэу зэхищэщтхэм фестивалым ихьакIэхэри къыхэлэжьэнхэ алъэкIыщт. Сыхьатыр 12-м щегъэжьагъэу 12.30-м нэс Адыгэ Республикэм предпринимательствэм IэпыIэгъу егъэгъотыгъэнымкIэ и Гупчэ зэнэкъокъу-викторинэхэр зэхищэщтых.

Сыхьатыр зым ыныкъом къыщегъэ­жьагъэу зым нэс Адыгэ Республикэм имузыкальнэ творческэ купхэм (Н. И. Уваровам ыцIэкIэ щыт купэу «Звонницэм», адыгэ къашъомкIэ ансамблэу «Мыекъопэ нэфылъэхэр» зыфиIорэм Дахъо гъэхъунэм зыкъыщагъэлъэгъощт. Сыхь. 1 — 3-м анахь дахэу зэтегъэ­псыхьэгъэ лъэпкъ щагум икъыхэгъэщынкIэ, адыгэ къуаер нахьышIоу изы­хырэмкIэ зэнэкъокъухэр зэхащэщтых. Къое блэгъэ гъэгъугъэ анахь кIыхьэмкIэ Уры­сыем рекорд зэрэщагъэуцугъэр сыхьатыр 1-м къыщегъэжьагъэу 1.10-м нэс атхыщт.
Сыхьатыр 1.10-м къыщегъэжьагъэу 1.30-м нэс Адыгэ Республикэм предпринимательствэм IэпыIэгъу егъэгъотыгъэнымкIэ зэнэкъокъу-викторинэхэр зэхищэщтых. Сыхь. зым ыныкъом къы­­щегъэжьагъэу 2-м нэс муници­пальнэ кIэлэцIыкIу творческэ купэу «Шпаргалкэмрэ» къэшъокIо ансамблэу «Сюрпризымрэ» къэшъощтых.
Сыхь. 2.30 — 4-м Адыгэ Республикэм имуниципальнэ творческэ купхэм якъэ­тынхэм цIыфхэр яплъынхэ алъэкIыщт. Онлайн-зэнэкъокъур зэраухыгъэмкIэ сыхьатыр 4.05-м макъэ къагъэIущт. Мастер-классэу «В ритме танца» зыфи­Iорэр сыхь. 4.05 — 4.45-м зэхащэщт.
Адыгэ Республикэм итворческэ куп­хэр, артистхэу Эльдэрэ Айдэмыр, ЛIыбзыу Аслъан, Владимир Ковальчук, Мышъэ Анзаур, Жарэкъо Руслъан, Беданэкъо Тембот, Валентина Ломидзе, Мэкъоо Маринэ, Хьазэщыкъо Мосэ, Нэгъой Бислъан, ансамбльхэу «Ислъамыер», «Налмэсыр», «Ошъутенэр» зы­хэлэжьэщтхэ мэфэкI концертыр пчыхьэм сыхь. 5 — 8.15-м щыIэщт.
ЗекIонымкIэ Комитетым игъусэхэу онлайн-зэнэкъокъум икIэуххэр пчыхьэм сыхьатыр 6.05-м зэфахьысыжьыщтых. Сыхьатыр 8.15-м лазернэ шоу щыIэщт, сыхьатыр 8.30-м мэфэкI мэшIоустхъор дафыещт.

Iоныгъом и 8-м сыхьатыр 10 — 5-м лъэпкъ щагухэр зэIухыгъэщтых. Сыхьатыр 10-м къыщегъэжьагъэу 4.30-м ­нэс упкIэм игъэпцIэнкIэ, дышъэидэмкIэ, мэ­тэшIынымкIэ, пхъэкIычхэм яугъоижьын­кIэ, лъэпкъ мэкъэмэ Iэмэ-псымэхэм ягъэ­хьарызынкIэ, адыгэ пIуаблэм ишIынкIэ, хъэнымкIэ ыкIи нэмыкI ­лъэпкъ Iэпэщысэхэм яшIынкIэ мастер-классхэр зэхащэщтых.
Сыхьатыр 10-м Iофтхьабзэр зезыщэ­хэрэм фестивалым хэлажьэхэрэмрэ ихьакIэхэмрэ шIуфэс къарахыщт. Сыхьатыр 11.10-м творческэ объединениеу «Ошъадэм» итворческэ купхэм концерт къатыщт. Сыхьатыр 11.10-м — 11.35-м Адыгэ Республикэм и Гупчэу пред­принимательствэм IэпыIэгъу езыгъэгъо­тырэм зэнэкъокъу-викторинэхэр зэхищэщтых.
Сыхь. 11.35 — 12.15-м Адыгэкъалэ икъэшъокIо купэу «Гуфит», Красногвардейскэ районымкIэ шъонтырпаохэм яансамблэу «КъушъхьэчIэсхэр» зыфи­Iорэр, къэшъокIо купэу «Фейерверк» зыфиIорэр, Джэджэ районымкIэ Хьаткъо Раситэ, Тэхъутэмыкъое районымкIэ адыгэ къашъомкIэ ансамблэу «Пламя» зыфиIорэр, Шэуджэн районымкIэ орэдыIо лъэпкъ ансамблэу «Джэныкъор» зыхэлэжьэщтхэ концерт Дахъо гъэхъунэм щыкIощт.
Адыгэ къуае зыдэлъ хьалыжъо анахь IэшIур зышIыгъэмкIэ, лъэпкъ шхыны­гъо­хэр дэгъоу зыупщэрыхьыгъэхэм якъы­хэ­гъэщынкIэ зэнэкъокъухэр лъэпкъ ща­гухэм сыхь. 12.00 — 3.00-м ащызэхащэщтых.
Дзыбэ Мыхьамэт зыхэлэжьэщт концертыр сыхь. 12.15 — 12.40-м гъэхъу­нэм къыщатыщт. Сыхь. 1-м къыщегъэ­жьагъэу 1.25-м нэс Адыгэ Республикэм предпринимательствэм IэпыIэгъу егъэгъотыгъэнымкIэ и Гупчэ зэнэкъокъу-­викторинэхэр зэхищэщтых.
Сыхь. 1.25 — 2.25-м Тэхъутэмыкъое районымкIэ адыгэ мэкъэмэ Iэмэ-псы­мэхэм ялъэпкъ ансамблэу «Уджым», эстрадэ орэдхэмкIэ купэу «Къамылым», Кощхьэблэ районымкIэ кIэлэцIыкIу къэ­шъокIо ансамблэу «Стэучым», орэдыIо купэу «Бэрэчэт босын», адыгэ мэкъэмэ Iэмэ-псымэхэмкIэ лъэпкъ ансамблэу «Мэ­къамэм», Къардэн Адам, Теуцожь районымкIэ Хъут Заремэ, Мыекъопэ районымкIэ ермэл къашъомкIэ лъэпкъ ансамблэу «Еразанк», ансамблэу «Дивертисмент», лъэпкъ хорэу «Тульские девчата» концерт къатыщт.
Творческэ купхэр, фестивалым ихьа­кIэхэр, Долэ Батыр, адыгэ къашъомкIэ лъэпкъ ансамблэу «Абреки», Краснодар иорэдыIо купэу «Гухэлъ» зыфиIорэр, Лъачъэ Альберт, КъБР-м щыщ Иуаны-
къо БетIал, Теркъулэ Астемыр, ДышъэкI Атур, орэдыIо купэу «Бзэрабзэ» зыхэлэжьэщтхэ концертыр сыхь. 2.25 — 4.10-м Дахъо гъэхъунэм щыкIощт.
Сыхьатыр 4.10-м къыщегъэжьагъэу 4.30-м нэс лъэпкъ щагу нахь зэтегъэ­псыхьагъэм икъыхэгъэщынкIэ зэнэкъо­къум икIэуххэр зэфахьысыжьыщтых, шIухьафтынхэр аратыщтых. «Адыгэ ­къуаер нахьышIоу изыхыгъэр» зыфиIорэ зэнэкъокъум икIэуххэр зэфахьысы­жьыщтых, шIухьафтынхэр афагъэшъошэщтых. «Адыгэ къуае зыдэлъ анахь хьа­лыжъо IэшIур зышIыгъэр» зыфиIорэ зэнэкъокъум икIэуххэр зэфахьысы­жьыщтых, шIухьафтынхэр аратыщтых. «Адыгэ къуае зыдэлъ хьалыжъор хэмытэу, нэмыкI лъэпкъ шхыныгъор нахь IэшIоу зыгъэхьазырыгъэр» зыфиIорэ зэнэкъокъум икIэуххэр зэфахьысыжьыщтых, шIухьафтынхэр аратыщтых.
Сыхьатыр 4.30-м адыгэ джэгур ра­гъэжьэщт, удж хъураекIэ сыхьатыр 5-м ар аухыщт.
Сурэтхэр: А. Балабась.