ШIухьафтын фондыр сомэ мин 600
Шы спорт Iофтхьабзэу «Псыхъоу Волгэ» ишIухьафтын зыфиIорэр Мыекъуапэ щыкIуагъ. Зэнэкъокъум еплъынхэу республикэ ипподромым цIыфыбэ къыщызэрэугъоигъ. ШIухьафтын фондыр сомэ мин 600 хъущтыгъ.
ШIэныгъэм и Мафэ ишIухьафтын зэрылъ къызэдэчъэным текIоныгъэр къыщизыхыгъэр Мир-
бек Мамуровыр ары. Куржъ Хъанджэрые ишIэжь фэгъэхьыгъэ шIухьафтыныр Пщыжъ СултIан зытесыгъэ шэу Ямал къыдихыгъ. Псыхъоу Волгэ ишIухьафтын зыфагъэшъошагъэр шэу Мэтч Парма, ар Турусбек Жумалиевым ыгъэIорышIагъ. Налщык ипподромым ишIухьафтын зыхьыгъэр Мирбек Мамуровыр ар. Мэрэтыкъо Анзор ыцIэкIэ агъэнэфэгъэ шIухьафтыныр (Гранд Критериум) шэу Рашен Стар рихыгъ. Турусбек Жумалиевыр зытесыгъэ шэу Мистер Персон зэнэкъокъум иаужырэ шIухьафтыныр къыдихыгъ.
ЗэхэщакIохэм зэрагъэнэфагъэмкIэ, мыщ фэдэ Iофтхьабзэ джыри чъэпыогъум республикэм щызэхащэщт.
