ФутболымкIэ Урысыем изэнэкъокъу иятIонэрэ лигэ щешIэрэ «Зэкъошныгъэм» зичэзыу ешIэгъу Мыекъуапэ щыриIагъ.

Республикэм икъэлэ шъхьаIэ щыIагъ командэу «Севастополь». ХьакIэхэр нахь лъэшыгъэх, текIоныгъэр къыдахыгъ.
«Зэкъошныгъ» — ­«Севастополь» 1:2 (1:2).
«Зэкъошныгъэм» щешIагъэх:
Т. Хачировыр, Д. Савиных (Ш. Гайдаровыр), М. Ягьяевыр, У. Магомедбековыр, И. Ораза­евыр, И. Абдуллаевыр, К. Юшко, М. Коломийцевыр (Г. Абдулла­евыр), З. Коблыр (Н. Сергеевыр), Д. Антоненкэр (А. Зезэрахьэр), А. Делэкъор (А. Малкандуевыр).
Тренер шъхьаIэр:
С. Мирошниченкэр.
«Севастополь» хэтыгъэх:
Р. Тыщенкэр, А. Дугу, А. Ивановыр, Е. Ливадновыр, Л. Потаповыр, Д. Кравченкэр (Г. Мели­кян), А. Моргуновыр (В. Миронен­кэр), А. Оболенцевыр (А. Смирновыр), В. Рзаевыр (В. Гевлич), М. Супрун, Р. Османовыр (В. Ганус).
Тренер шъхьаIэр:
С. Гудзикевич.
Тикомандэ тренерыкIэ зиIэм щегъэжьагъэу бысым ешIэгъухэр къин къыщэхъух. Мыекъуапэ щыриIэгъэ зэIукIэгъуиплIым щыщэу очко къызщихьын ылъэкIыгъэр зыр ары ныIэп.
«Севастополь» дыриIэгъэ ешIэгъум ипэублэ тикомандэ дэгъоу зыкъыщигъэлъэгъуагъ, я 17-рэ такъикъым Исламитдин Абдуллаевым пчъагъэр къызэIуихыгъ. Такъикъ 11 тешIагъэу хьакIэхэм пчъагъэр зэфэдиз ашIыгъ. Апэрэ таймыр аухынкIэ тIэкIу къэнагъэу севастопольцэхэм пчъагъэм хагъэхъуагъ — 2:1.

ЯтIонэрэ таймым тифутболистхэр къэлапчъэм Iэгуаор дадзэным пэблэгъагъэх, ау ар афызэшIокIыгъэп, хьакIэхэм текIоны­гъэр къыдахыгъ.
— Мыекъуапэ тыщешIэ зыхъу­кIэ къытэхъулIэрэр къызгурыIорэп. Дэгъоу етэгъажьэ, апэу къэ­лап­чъэм Iэгуаор дэтэдзэ, ау те­кIоны­гъэр къыдэтхын тлъэкIырэп, — къыIуагъ зэфэхьысыжьхэр къышIызэ «Зэкъошныгъэм» итренер шъхьаIэу Сергей Мирошниченкэм.
Я 23-рэ турым изэфэхьысыжьхэр:
«Алания-2» — «Динамо Ставрополь» — 0:2, «Ангушт» — «Победа» — 0:2, «Зэкъошныгъ» — «Севастополь» — 1:2, «Строитель» — «Астрахань» — 0:2, «Форте» — «Ростов-2» — 5:1, «Рубин Ялта» — «Кубань Холдинг» — 4:0, «Нарт» — «Биолог-Новокубанск» — 1:0, «Легион» — «Спартак-Налщык» — 2:1.
Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «Динамо Ставрополь» — 43.
2. «Форте» — 43.
3. «Легион» — 42.
4. «Ростов-2» — 39.
5. «Рубин Ялта» — 39.
6. «Астрахань» — 39.
7. «Севастополь» — 38.
8. «Строитель» — 30.
9. «Нарт» — 29.
10. «Ангушт» — 28.
11. «Спартак-Налщык» — 26.
12. «Зэкъошныгъ» — 24.
13. «Кубань Холдинг» — 22.
14. «Биолог-Новокубанск» — 22.
15. «Победа» — 19.
16. «Алания-2» — 13.
17. «Динамо-2» — 12.
    КъыкIэлъыкIощт зэIукIэгъур «Зэкъошныгъэм» къалэу Ессентуки щыриIэщт, Iоныгъом и 6-м командэу «Биолог-Новокубанск» дешIэщт.