Шъон пытэхэр ащэщтхэп
ИлъэсыкIэ еджэгъум иапэрэ мафэ шъон пытэхэр Адыгеим щащэн фитхэп.
Адыгеим и Хэбзэгъэуцугъэу «Этил спиртым, шъон пытэхэм, спирт зыхэтхэм якъыдэгъэкIын-
кIэ, яIугъэкIынкIэ, шъон пытэхэм нахь макIэу яшъонхэмкIэ Iофыгъо заулэмэ язэшIохын ехьылIагъ» зыфиIорэм щыгъэнэфэгъэ шапхъэхэм илъэс къэс арэгъуазэх.
Хэбзэгъэуцугъэм къызэрэщыдэлъытагъэм тетэу шIэныгъэм и Мафэ Адыгэ Республикэм шъон пытэхэр щащэхэ хъущтэп. Ащ епхыгъэу 2024-рэ илъэсым Iоныгъом и 2-м Адыгеим шъон пытэхэр щамыщэнхэу унашъо ашIыгъ.
Ау къэIогъэн фае организациехэм ащэрэ шъон пытэхэм, унэе предпринимательхэм ащэрэ пивэм, сидрэм, нэмыкI шъон лъэпкъхэм мы шапхъэхэр зэралъымыIэсхэрэр.