«ГандболымкIэ Московскэ федерацием и Кубок» зыфиIорэ зэнэкъокъур мы мафэхэм рагъэкIокIыгъ.

Къалэу Новороссийскэ къэзыгъэлъэгъорэ командэу Суперлигэм щешIэрэм Мыекъуапэ щыщ пшъашъэу хэтым текIоныгъэр къы­­дихыгъ. Спорт еджапIэу С.М. Джэнчатэм ыцIэ зыхьырэм зыщызыгъэсэгъэ Дарина Никулинар джырэ уахътэм командэу «Черноморочкэм» фешIэ.
Москва щыкIогъэ зэнэкъокъум ащ гъогогъуи 7 къэлапчъэм Iэгуа­ор дидзагъ. Турнирым хэлэжьагъэх командэхэу «ЦСКА» (Москва), «Динамо-Синара» (Волгоград), «Звезда» (Звенигород), «Кубань» (Краснодар), «Луч» (Москва). «Черноморочкэм» текIоныгъи 4 къыдихыгъ, «Кубань» дыриIэгъэ зэIукIэгъум пчъагъэр зэфэдизэу аухыгъ. ЕшIэгъу шъхьа­Iэм Новороссийскэ икомандэ «ЦСКА-м» текIуагъ, пчъагъэр 32:31.
Командэхэм чIыпIэу къыдахыгъэхэр:

1. «Черноморочка» — 9.
2. «ЦСКА» — 8.
3. «Динамо» — 4.
4. «Кубань» — 4.
5. «Луч» — 3.
6. «Звезда» — 2.