Адыгеим и НыбжьыкIэ гвардие хэтхэр Iоф­тхьа­бзэу «Зыфэныкъо тхылъ­хэр Донбасс
Iэ­кIэ­дгъэхьаных» зыфи­Iорэм чанэу хэлажьэх, шъо­лъырыкIэхэм апае ахэм тхылъхэр партиеу «Еди­нэ Россием» иштаб щаугъоих.

Хэти мы Iофтхьабзэм къы­хэ­лэжьэн, штабыр зыдэщыIэ чIы­пIэм: къ. Мыекъуапэ, ­урамэу Пролетарскэм тет унэу N 449-м итхылъхэр рихьылIэнхэ ылъэкIыщт.
«ШъолъырыкIэхэм IэпыIэгъу афэхъугъэныр партиеу «Единэ Россием» инароднэ програм-
мэ изы Iахьэу щыт. ИлъэсыкIэ еджэгъум ехъулIэу молодогвардейцэхэм тырягъусэу Херсон хэкумкIэ Геническэ районым рагъэщэщт тхылъхэр штабым щытэугъоих. Ахэм яугъоин цIыфхэр чанэу къыхэлажьэх, мафэ къэс ятхылъхэр мыщ къырахьылIэх», — къыIуагъ Мыекъопэ къэлэ Советым иде­путатэу, хэбзэгъэуцу ныбжьыкIэхэм я Палатэу Фе­де­раци­емкIэ Советым щызэхэщагъэм хэтэу, Адыгеим и НыбжьыкIэ гвардие ипащэу Бэрзэдж Асиет.